Different Upanishads 126
Different Upaniṣads 126
- Language
- Sanskrit
Contents
- 126.2 — 1 part
126.1
evamukto gururāha—
vāgvāva nāmno bhūyasī vāgvā ṛgvedaṃ vijñāpayati yajurvedaṃ
sāmavedamātharvaṇaṃ caturthamitihāsapurāṇaṃ pañcamaṃ vedānāṃ vedaṃ
pitryaṃ rāśiṃ daivaṃ nidhiṃ vākovākyamekāyanaṃ devavidyāṃ brahmavidyāṃ bhūtavidyāṃ kṣatravidyāṃ nakṣatravidyāṃ sarpadevajanavidyāṃ
divaṃ ca pṛthivīṃ ca vāyuṃ cākāśaṃ cāpaśca tejaśca devāñśca
manuṣyāñśca paśūñśca vayām̐si ca tṛṇavanaspatīnśvāpadānyākīṭapataṅgapipīlakaṃ dharmaṃ cādharmaṃ ca satyaṃ cānṛtaṃ ca sādhu
cāsādhu ca hṛdayajñaṃ cāhṛdayajñaṃ ca yadvai vāṅ nābhaviṣyanna dharmo
nādharmo vyājñāpayiṣyanna satyaṃ nānṛtaṃ na sādhu nāsādhu na
hṛdayajño nāhṛdayajño vāgevaitatsarvaṃ vijñāpayati vācamupāsveti
126.2
sa yo vācaṃ brahmetyupāste yāvadvāco gataṃ tatrāsya
yathākāmacāro bhavati yo vācaṃ brahmetyupāste| asti bhagavo
vāco bhūya iti| vāco vāva bhūyo'stīti| tanme bhagavān
bravītviti
126.2.p1
iti navame dvitīyaḥ khaṇḍaḥ || 2