Different Upanishads 127
Different Upaniṣads 127
- Language
- Sanskrit
Contents
- 127.3-2 — 1 part
127.1
mano vāva vāco bhūyo yathā vai dve vāmalake dve vā kole dvau
vākṣau muṣṭiranubhavatyevaṃ vācaṃ ca nāma ca mano'nubhavati| sa
yadā manasā manasyati mantrānadhīyīyetyathādhīte karmāṇi
kurvītetyatha kurute putrāṃśca paśūṃśceccheyetyathecchata imaṃ ca
lokamasuṃ ceccheyetyathecchate| mano hyātmā mano hi loko
mano hi brahma mana upāsveti
127.2
sa yo mano brahmetyupāste yāvanmanaso gataṃ tatrāsya yathākāmacāro bhavati yo mano brahmetyupāste| asti bhagavo manaso bhūya iti| manaso vāva bhūyo'stīti| tanme bhagavān bravītviti
127.1-2
saṅkalpo vāva manaso bhūyān| yadā vai saṅkalpayate'tha manasyatyatha vācamīrayati| tāmu nāmnīrayati nāmni mantrā ekaṃ
bhavanti mantreṣu karmāṇi
127.2-2
ataḥ:—
tāni ha vā etāni saṅkalpaikāyanāni saṅkalpātmakāni saṅkalpe
pratiṣṭhitāni| samakalpetāṃ dyāvāpṛthivī| samakalpetāṃ vāyuścākāśaṃ ca| samakalpantāmāpaśca tejaśca| teṣām̐ saṅkalpyai varṣam̐
saṅkalpate| varṣasya saṅkalpyā annam̐ saṅkalpate| annasya
saṅkalpyai prāṇāḥ saṅkalpante| prāṇānām̐ saṅkalpyai mantrāḥ
saṅkalpante| mantrāṇām̐ saṅkalpyai karmāṇi saṅkalpante
karmaṇām̐ saṅkalpyai loka ḥ saṅkalpate| lokasya saṅkalpyai
sarvam̐ saṅkalpate| sa eṣa saṅkalpaḥ saṅkalpamupāsveti
127.2-3
ladyete| tathā vāyuścākāśaṃ caitāvapi samakalpetāṃ saṅkalpaṃ kṛtavantāviva svena rūpeṇa dṛśyete| tathā āpaśca tejaścetānyapi samakalpetām
itaśca tasya mahattvamityāha-teṣāmiti| teṣāṃ dyāvāpṛthivyādīnāṃ
saṅkalptyai saṅkalpane: saṅkalpanimittaṃ varṣaṃ vṛṣṭiḥ saṅkalpate samarthī bhavati
tathā varṣasya saṅkalpyai saṅkalpanimittamannaṃ kalpate samarthī bhavatītyetat
prasiddham| annasya saṅkalpyai prāṇāḥ saṅkalpante 'annaṃ dāme'ti śruteḥ
prāṇānāṃ saṅkalpyai tatphalamantrāḥ saṅkalpante prāṇavatāmeva mantrādhyayanadarśanāt| mantrāṇāṃ saṅkalpyai tatprakāśitāni karmāṇi phaladānāya
saṅkalpante| karmaṇāṃ saṅkalpyai tatphalabhūto lokaḥ kartṛgāmitayā
saṅkalpate| lokasaṅkalpya sarvaṃ jagat svarūpāvaikalyāya saṅkalpate
yadidaṃ phalāvasānaṃ sarvaṃ jagat, sa eṣa saṅkalpaḥ saṅkalpamūlatvāt| ataḥ
saṅkalpasya mahattvāt saṅkalpamupāssveti
127.3
tatphalamāhasa yaḥ saṅkalpaṃ brahmetyupāste kalpatān vai sa lokān dhruvān dhruvaḥ
pratiṣṭhitān pratiṣṭhito'vyathamānānavyathamāno'bhisiddhyati| yāvat
saṅkalpasya gataṃ tatrāsya yathākāmacāro bhavati yaḥ saṅkalpaṃ brahmetyupāste| asti bhagavaḥ saṅkalpādbhūya iti| saṅkalpādbhāva bhūyostīti| tanme bhagavān bravītviti
127.3-2
sa yaḥ kaścitsaṅkalpaṃ brahmetyupāste sa upāsakaḥ kalpatān vai śrayeme
lokāḥ phalamiti dhātrā saṅkalpitān lokān dhruvān atyantādhravāpekṣyā nityān svayamapi san pratiṣṭhitān upakaraṇasampannān svayaṃ
pratiṣṭhitaḥ san| avyathamānān amitrādirahitān svayamavyathamānaḥ
sannabhisiddhyati abhiprāpnoti| samānamanyat
127.3-2.p1
iti navame caturthaḥ khaṇḍaḥ || 4
Linked texts (2)
- Aṣṭāviṃśatyupaniṣad — Sanskrit
- Aṣṭottaraśatopaniṣadaḥ — Sanskrit