[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 12 # Different Upanishads 12: atha dvitīyaḥ praśnaḥ Different Upaniṣads 12 - **Language:** Sanskrit ## Contents - [12.13](https://indike.org/pramana/in.veda.upanisad.mukhya.differentupanisads.12.13) — 1 part ### atha dvitīyaḥ praśnaḥ ### [12.1](https://indike.org/pramana/in.veda.upanisad.mukhya.differentupanisads.12.1) atha hainaṃ bhārgavo vaidarbhiḥ papraccha | bhagavan katyeva devāḥ prajāṃ vidhārayante katara etatprakāśayante kaḥ punareṣāṃ variṣṭha iti ### [12.2](https://indike.org/pramana/in.veda.upanisad.mukhya.differentupanisads.12.2) tasmai sa hovāca ākāśo ha vā eṣa devo vāyuragnirāpaḥ pṛthivī vāṅmanaścakṣuḥ śrotraṃ ca| te prakāśyābhivadanti vayametadviāṇamavaṣṭabhya vidhārayāmaḥ ### [12.3](https://indike.org/pramana/in.veda.upanisad.mukhya.differentupanisads.12.3) tānvariṣṭhaḥ prāṇa uvāca ca mā mohamāpadyatha ahamevaitat pañcadhā'tmānaṃ pravibhajyaitadavāṇamavaṣṭabhya vidhārayāmīti ### [12.4](https://indike.org/pramana/in.veda.upanisad.mukhya.differentupanisads.12.4) te'śraddadhānā babhūvuḥ so'bhimānādūrdhvamutkramata iva, tasminnutkrāmatyathetare sarvaṃ evotkrāmante, tasmim̐śca pratiṣṭhamāne sarvaṃ eva prātiṣṭhante| tadyathā makṣikā madhukara rājānamutkrāmantaṃ sarvā evotkrāmante, tasmim̐śca pratiṣṭhamāne sarvā eva prātiṣṭhanta evaṃ vāṅmanaścakṣuḥ śrotraṃ ca te prītāḥ prāṇaṃ stuvanti ### [12.5](https://indike.org/pramana/in.veda.upanisad.mukhya.differentupanisads.12.5) eṣo'gnistapatyeṣa sūryaṃ eṣa parjanyo maghavāneṣa vāyureṣa pṛthivī rayirdevaḥ sadasaccāmṛtaṃ ca yat ### [12.6](https://indike.org/pramana/in.veda.upanisad.mukhya.differentupanisads.12.6) arā iva rathanābhau prāṇe sarvaṃ pratiṣṭhitam ṛco yajūṃṣi sāmāni yajñaḥ kṣatraṃ brahma ca ### [12.7](https://indike.org/pramana/in.veda.upanisad.mukhya.differentupanisads.12.7) kiñca— prajāpatiścarasi garbhe tvameva pratijāyase tubhyaṃ prāṇa prajāstvimā baliṃ haranti yaḥ prāṇaiḥ pratitiṣṭhasi ### [12.8](https://indike.org/pramana/in.veda.upanisad.mukhya.differentupanisads.12.8) devānāmasi vahnitamaḥ pitṝṇāṃ prathamā svadhā ṛṣīṇāṃ caritaṃ satyamatharvāṅgirasāmasi ### [12.9](https://indike.org/pramana/in.veda.upanisad.mukhya.differentupanisads.12.9) indrastvaṃ prāṇa tejasā, rudro'si parirakṣitā tvamantarikṣe carasi sūryastvaṃ jyotiṣāṃ patiḥ ### [12.10](https://indike.org/pramana/in.veda.upanisad.mukhya.differentupanisads.12.10) yadā tvamabhivarṣaṃsyathemāḥ prāṇate prajāḥ ānandarūpā stiṣṭhanti kāmāyānnaṃ bhaviṣyatīti ### [12.11](https://indike.org/pramana/in.veda.upanisad.mukhya.differentupanisads.12.11) trātyastvaṃ prāṇaika ṛṣirattā viśvasya satpatiḥ vayamādyasya dātāraḥ pitā tvaṃ mātariśvanaḥ ### [12.12](https://indike.org/pramana/in.veda.upanisad.mukhya.differentupanisads.12.12) yā te tanūrvāci pratiṣṭhitā yā śrotre yā ca cakṣuṣi yā ca manasi santatā śivāṃ tāṃ kuru motkramīḥ ### [12.13](https://indike.org/pramana/in.veda.upanisad.mukhya.differentupanisads.12.13) prāṇasyedaṃ vaśe sarvaṃ tridive yatpratiṣṭhitam māteva putrān rakṣasva śrīśca prajñāṃ ca vidhehi naḥ ### [12.13.p1](https://indike.org/pramana/in.veda.upanisad.mukhya.differentupanisads.12.13.p1) iti dvitīyaḥ praśnaḥ || 2 ## Linked texts (10) - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_198) — Sanskrit - [Praśnopaniṣad](https://indike.org/pramana/in.veda.upanisad.mukhya.prasna.2.1) — Pippalāda, Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.14.1-2) — Sanskrit - [Mantrapuṣpa](https://indike.org/pramana/in.veda.svadhyaya.santi.mantrapuspa.76.1) — Sanskrit - [Upaniṣads](https://indike.org/pramana/in.veda.upanisad.mukhya.upanisads.10.1) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.18.1) — Sanskrit - [Daśopaniṣad](https://indike.org/pramana/in.veda.upanisad.mukhya.dasopanisad.11.1) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.13.1) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.11.1) — Sanskrit - [Upaniṣads Īśa to Aitareya](https://indike.org/pramana/in.veda.upanisad.mukhya.upanisadsisatoaitareya.10.1) — Sanskrit --- Source: [https://indike.org/pramana/in.veda.upanisad.mukhya.differentupanisads.12](https://indike.org/pramana/in.veda.upanisad.mukhya.differentupanisads.12) · Pramāṇa