Different Upanishads 135
Different Upaniṣads 135
- Language
- Sanskrit
Contents
- 135.1-6 — 1 part
135.1
prāṇo vā āśāyā bhūyān| yathā vā arā nābhau samarpitā
evamasmin prāṇe sarvaṃ samarpitam| prāṇaḥ prāṇena yāti prāṇaḥ
prāṇaṃ dadāti prāṇāya dadāti| prāṇo ha pitā prāṇo mātā
prāṇo bhrātā prāṇaḥ svasā prāṇa ācāryaḥ prāṇo brāhmaṇaḥ
135.1-2
eṣa tu vā ativadati yaḥ satyenātivadati| so'haṃ
bhagavaḥ satyenātivadanānīti| satyaṃ tveva vijijñāsitavyamiti| satyaṃ bhagavo vijijñāsa iti
135.1-3
evamukto gururāha—
yadā vai vijānātyatha satyaṃ vadati| nāvijānan satyaṃ vadati
vijānanneva satyaṃ vadati| vijñānaṃ tveva vijijñāsitavyamiti
vijñānaṃ bhagavo vijijñāsa iti
135.1-4
yadā vai manute'tha vijānāti | nāmatvā vijānāti | matvaiva
vijānāti | matistveva vijijñāsitavyeti | matiṃ bhagavo
vijijñāsa iti
135.2
yadā vai śraddadhātyatha manute | nāśraddadhan manute | śraddadhadeva manute
śraddhā tveva vijijñāsitavyeti | śraddhāṃ bhagavo vijijñāsa iti
135.3
yadā vai nistiṣṭhatyatha śraddadhāti | nānistiṣṭhan śraddadhāti
nistiṣṭhanneva śraddadhāti | niṣṭhā tveva vijijñāsitavyeti
niṣṭhāṃ bhagavo vijijñāsa iti
135.4
yadā vai karotyatha nistiṣṭhati | nākṛtvā nistiṣṭhati | kṛtvaiva
nistiṣṭhati | kṛtistveva vijijñāsitavyeti | kṛtiṃ bhagavo
vijijñāsa iti
135.1-5
yadā vai sukhaṃ labhate'tha karoti | nāsukhaṃ labdhvā karoti
sukhameva labdhvā karoti | sukhaṃ tveva vijijñāsitavyamiti
sukhaṃ bhagavo vijijñāsa iti
135.1-6
yadā vai sukhaṃ bhūmākhyaṃ vaktavyamāṇaṃ labhate labdhavyaṃ mayeti manyate | atha tadā taduddeśe karoti | samānamanyat
135.1-6.p1
iti navame dvāviṃśaḥ khaṇḍaḥ || 22