[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 136 # Different Upanishads 136 Different Upaniṣads 136 - **Language:** Sanskrit ### [136.1](https://indike.org/pramana/in.veda.upanisad.mukhya.differentupanisads.136.1) yo vai bhūmā tatsukhaṃ nālpe sukhamasti | bhūmaiva sukhaṃ bhūmā tveva vijijñāsitavya iti | bhūmānaṃ bhagavo vijijñāsa iti ### [136.1-2](https://indike.org/pramana/in.veda.upanisad.mukhya.differentupanisads.136.1-2) yatra nānyatpaśyati nānyacchṛṇoti nānyadvijānāti sa bhūmā | atha yatrānyat paśyatyanyacchṛṇotyanyadvijānāti tadalpam | yo vai bhūmā tadamṛtamatha yadalpaṃ tanmartyam | sa bhagavaḥ kasmin pratiṣṭhita iti | sve mahimni yadi vā na mahimnīti ### [136.2](https://indike.org/pramana/in.veda.upanisad.mukhya.differentupanisads.136.2) yatanānīti nāhamevaṃ bravīmi | bravīmīti hovācānyo hyanyasmin pratiṣṭhita iti ### [136.1-3](https://indike.org/pramana/in.veda.upanisad.mukhya.differentupanisads.136.1-3) sa evādhastāt sa upariṣṭātsa paścātsa purastātsa dakṣiṇataḥ sa uttarataḥ sa evedaṃ sarvamiti | athāto'haṅkārādeśa evāhamevādhastādahamupariṣṭādahaṃ paścādahaṃ purastādahaṃ dakṣiṇato'hamuttarato'hamevedaṃ sarvamiti ### [136.2-2](https://indike.org/pramana/in.veda.upanisad.mukhya.differentupanisads.136.2-2) athāta ātmādeśa eva ātmaivādhastādātmopariṣṭādātmā paścādātmā purastādātmā dakṣiṇata ātmottarata ātmaivedaṃ sarvaṃmiti| sa vā eṣa evaṃpaśyannevaṃmanvāna evaṃvijānannātmaratirātmakrīḍa ātmamithuna ātmānandaḥ sa svarāḍ bhavati tasya sarveṣu lokeṣu kāmacāro bhavati | atha ye'nyathā'to viduranyarājānaste kṣayyalokā bhavanti | teṣām̐ sarveṣu lokeṣvakāmacāro bhavati ### [136.1-4](https://indike.org/pramana/in.veda.upanisad.mukhya.differentupanisads.136.1-4) tasya ha vā etasyaivaṃ paśyata evaṃ manvānasyaivaṃ vijānata ātmataḥ prāṇa ātmata āśātmataḥ smara ātmata ākāśa ātmatasteja ātmata āpa ātmata āvirbhāvatirobhāvāvātmato'nnamātmato balamātmato vijñānamātmato dhyānamātmataścittamātmataḥ saṅkalpa ātmato mana ātmato vāgātmato nāmātmato mantrā ātmataḥ karmaṇyātmata evedaṃ sarvamiti ### [136.2-3](https://indike.org/pramana/in.veda.upanisad.mukhya.differentupanisads.136.2-3) tadeva śloko na paśyo mṛtyuṃ paśyati na rogaṃ nota duḥkhatām̐ sarvam̐ ha paśyaḥ paśyati sarvamāpnoti sarvaśa iti | sa ekadhā bhavati tridhā bhavati pañcadhā saptadhā navadhā caiva punaścaikādaśa smṛtaḥ śataṃ ca daśa caikaśca sahasrāṇi ca vim̐śatiḥ | āhāraśuddhau sattvaśuddhiḥ sattvaśuddhau dhruvā smṛtiḥ | smṛtilambhe sarvagranthīnāṃ vipramokṣaḥ | tasmai mṛditakaṣāyāya tamasaspāraṃ darśayati bhagavān sanatkumāraḥ | tām̐ skanda ityācakṣate tām̐ skanda ityācakṣate ### [136.1-5](https://indike.org/pramana/in.veda.upanisad.mukhya.differentupanisads.136.1-5) oṃ | atha yadidamasmin brahmapure daharaṃ puṇḍarīkaṃ veśma daharo'sminnantarākāśastasmin yadantastadanveṣṭavyaṃ tadvāva vijijñāsitavyamiti ### [136.2-4](https://indike.org/pramana/in.veda.upanisad.mukhya.differentupanisads.136.2-4) taṃ ced brūyuryadidamasmin brahmapure daharaṃ puṇḍarīkaṃ veśma daharo'sminnantarākāśaḥ kiṃ tadatra vidyate yadanveṣṭavyaṃ yadvāva vijijñāsitavyamiti sa brūyāt ### [136.3](https://indike.org/pramana/in.veda.upanisad.mukhya.differentupanisads.136.3) yāvān vā ayamākāśastāvāneṣo'ntarhṛdaya ākāśaḥ| ubhe asmin dyāvāpṛthivī antareva samāhite| ubhāvagniśca vāyuśca sūryācandramasāvubhau vidyunnakṣatrāṇi yaccāsyehāsti yacca nāsti sarvaṃ tadasmin samāhitamiti ### [136.4](https://indike.org/pramana/in.veda.upanisad.mukhya.differentupanisads.136.4) taṃ ced brūyurasmim̐ścedidaṃ brahmapure sarvaṃ samāhitaṃ sarvāṇi ca tāni sarve ca kāmā yadainajjarā vāpnoti pradhvaṃsate vā kiṃ tato'tiśiṣyata iti ### [136.5](https://indike.org/pramana/in.veda.upanisad.mukhya.differentupanisads.136.5) evamantevāsibhiścodite— sa brūyānnāsya jarayaitajjīryati na vadhenāsya hanyate| etatsatyaṃ brahmapuramasminkāmāḥ samāhitāḥ| eva ātmā'pahatapāpmā vijaro vimṛtyurviśoko vijighatso'pipāsaḥ satyakāmaḥ satyasaṅkalpaḥ yathā hyeveha prajā anvāviśanti yathānuśāsanaṃ yaṃ yamantamabhikāmā bhavanti yaṃ janapadaṃ yaṃ kṣetrabhāgaṃ taṃ tametopajīvanti ### [136.6](https://indike.org/pramana/in.veda.upanisad.mukhya.differentupanisads.136.6) tadyatheha karmajito lokaḥ kṣīyata evamevāmutra puṇyajito lokaḥ kṣīyate| tada ihātmānamanuvidya vrajantyetām̐śca satyānkāmām̐steṣām̐ sarveṣu lokeṣvakāmacāro bhavati | atha ya ihātmānamanuvidya vrajantyetām̐śca satyān kāmām̐steṣām̐ sarveṣu lokeṣu kāmacāro bhavati ## Linked texts (1) - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.120.4) — Sanskrit --- Source: [https://indike.org/pramana/in.veda.upanisad.mukhya.differentupanisads.136](https://indike.org/pramana/in.veda.upanisad.mukhya.differentupanisads.136) · Pramāṇa