Different Upanishads 138
Different Upaniṣads 138
- Language
- Sanskrit
138.1
ta ime satyāḥ kāmā anṛtāpidhānāsteṣām̐ satyānām̐
satāmanṛtamapidhānaṃ yo yo hyasyetaḥ prīti na tamiha
darśanāya labhate
138.2
atha ye cāsyeha jīvā ye ca pretā yaccānyadicchanna labhate
sarvaṃ tadatra gatvā vindate| atra hyasyaite satyāḥ kāmāanṛtāpidhānāḥ| tadyathāpi hiraṇyanidhiṃ nihitamakṣetrajñā
uparyupari sañcaranto na vindeyurevamevemāḥ sarvāḥ prajā
aharahargacchantya etaṃ brahmalokaṃ na vindantyanṛtena hi
pratyūḍhāḥ
138.3
sa vā eṣa ātmā hṛdi tasyaitadeva niruktaṃ hṛdyamiti
tasmādhṛdayamaharaharvā evaṃvit svargaṃ lokameti
138.3-2
evaṃvit hṛdayamātmeti jānan aharahaḥ pratyahaṃ svargaṃ lokaṃ hādaṃ brahmeti pratipadyate
138.4
atha ya eṣa samprasādo'smāccharīrāt samutthāya paraṃ jyotirupasampadya svena rūpeṇābhiniṣpadyate| eṣa ātmeti hovāca| etadamṛtamabhayametad brahmeti| tasya ha vā etasya brahmaṇo nāma satyamiti
138.5
tāni ha vā etāni trīṇyakṣarāṇi satīyamiti| tadyatsat tadamṛtamatha yatti tānmartyam| atha yadyaṃ tenobhe yacchati| yadanenobhe yacchati| tasmādyamaharaharvā evaṃvitsvargaṃ lokameti
Linked texts (7)
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit