Pramāṇa · Search · About · API

Different Upanishads 140

Different Upaniṣads 140

Language
Sanskrit

140.1

atha yadyajña ityācakṣate brahmacaryameva tat| brahmacaryeṇa hyeva yo
jñātā taṃ vindate| atha yadiṣṭamityācakṣate brahmacaryameva tat
brahmacaryeṇa hyeveṣṭātmānamanuvindate

140.2

atha yatsatrāyaṇamityācakṣate brahmacaryameva tat| brahmacaryeṇa hyeva
sataṃ ātmanastrāṇaṃ vandate| atha yanmaunamityācakṣate brahmacaryameva tat| brahmacaryeṇa hyevātmānamanuvidya manute

140.3

atha yadanāśakāyanamityācakṣate brahmacaryameva tat| eṣa hyātmā
na naśyati yaṃ brahmacaryeṇānuvindate| atha yadaraṇyāyanamityācakṣate brahmacaryameva tat| tadaraśca ha vai ṇyaścārṇāvau brahmaloke
tṛtīyasyāmito divi tadairaṃmadīyam̐, sarastadaśvatthaḥ somasavanastadagrājitā pūrvaṃhṇaḥ prabhuvimitam̐, hiraṇmayam

140.4

tadya evaitāvaraṃ ca eyaṃ cārṇāvau brahmaloke brahmacaryeṇānuvindanti
teṣāmevaiṣa brahmalokaḥ| teṣām̐ sarveṣu lokeṣu kāmacāro bhavati

140.1-2

atha yā etā hṛdayasya nāḍyastāḥ piṅgalasyāṇinnastiṣṭhanti
śuklasya nīlasya pītasya lohitasyeti| asau vā ādityaḥ
piṅgala eṣa śukla eṣa nīla eṣa pīta eṣa lohitaḥ

140.2-2

tadyathā mahāpatha ātata ubhau grāmau gacchatīmaṃ cāmuṃ caivamevaitā ādityasya raśmaya ubhau lokau gacchantīmaṃ cāmuṃ ca| amuṣmā-dādityāt pratāyante tā āsu nāḍīṣu sṛptā ābhyo nāḍobhyaḥ te'muṣminnāditye sṛptāḥ

140.3-2

tadyatraitat suptaḥ samastaḥ samprasannaḥ svapnaṃ na vijānātyāsu tadā nāḍīṣu sṛpto bhavati te na kañcana pāpmā spṛśati| tejasā hi tadā sampanno bhavati

140.4-2

atha yatraitadavalimānaṃ nīto bhavati tamabhita āsīnā āhuḥ
jānāsi māṃ jānāsi māmiti| sa yāvadasmāccharīrādanutkrānto
bhavati tāvajjānāti

140.5

atha yatraitadasmāccharīrādutkrāmatyathaitaireva raśmibhirūrdhvamākramate| sa omiti vā hodvā mīyate| sa yāvat kṣipyenmanastāvadādityaṃ gacchati| etadvai khalu lokadvāraṃ viduṣāṃ prapadanaṃ
nirodho'viduṣām

140.6

tadeṣa ślokaḥ| śataṃ caikā ca hṛdayasya nāḍyastāsāṃ mūrdhānammabhiniḥsṛtaikā | tayordhvamāyannamṛtatvameti viṣvaṅṅanyā
utkramaṇe bhavantyutkramaṇe bhavanti

Linked texts (7)