Pramāṇa · Search · About · API

Different Upanishads 141

Different Upaniṣads 141

Language
Sanskrit

141.1

ya ātmāpahatapāpmā vijaro vimṛtyurviśoko'vijighatso'pipāsaḥ satyakāmaḥ satyasaṅkalpaḥ so'nveṣṭavyaḥ sa vijijñāsitavyaḥ | sa sarvāṃśca lokānāpnoti sarvāṃśca kāmānyastāmātmānamanuvidya vijānātīti ha prajāpatiruvāca

141.2

tāddhobhaye devāsurā anububudhire | te hocurhanta tāmātmānamanvicchāmo yamātmānamanviṣya sarvāṃśca lokānāpnoti sarvāṃśca
kāmāniti | indro haiva devānāmabhipravavāja virocano'surāṇāṃ tau
hāsaṃvidānāveva samitpāṇī prajāpatisakāśamājagmatuḥ

141.1-2

pariṣadi ūcuḥ

141.2-2

kim ? hanta yadyanumatirbhavatāṃ bhavettarhi prajāpatinoktaṃ tamātmānamanvicchāmo'nveṣaṇaṃ kurmo yamātmānamanviṣya sarvāśca kāmā-nāpnotītyuktvā indro ha devānāṃ rājā evaṃ virocanaścāsurāṇāṃ rājā'pi san prajāpatiṃ pratyabhipravavrāja || katham ? tau hendravirocanau asaṃvidānau saṃvidānaṃ maitrīmakurvāṇāveva samitpāṇī samiddhārahastau prajāpatisakāśaṃ sarmīpamājagmaturāgatavantau

141.3

tau ha dvātriṃśatā varṣāṇi brahmacaryamūṣatuḥ | tau ha prajāpatiruvāca kimicchantāvavāstamiti | tau hocaturya ātmā''hata pāpmā vijaro vimṛtyurviśoko'vijighatso'pipāsaḥ satyakāmaḥ satyasaṃkalpaḥ so'nveṣṭavyaḥ sa vijijñāsitavyaḥ | sa sarvāṃśca lokānāpnoti sarvāṃśca kāmān yastamātmānamanuvidya vijānātīti bhagavato vaco vedayante | tamicchantāvavāstamiti

141.4

tau ha prajāpatiruvāca ya eṣo'kṣiṇi puruṣo dṛśyata eva ātmeti hovācaitadamṛtamabhayametad brahmeti | atha yo'yaṃ bhagavo'psu parikhyāyate yaścāyamādarśa katama eva iti | eva u eteṣu sarveṣveteṣu parikhyāyata iti hovāca

141.1-3

udaśarāva ātmānamavekṣya yadātmano na vijānīthastanme prabrūtamiti | tau hodaśarāve'vekṣāñcakrāte | tau ha prajāpatiruvāca kiṃ paśyatha iti | tau hocatuḥ sarvamevedamāvāṃ bhagava ātmānaṃ paśyāva ā lomabhya ā nakhebhyaḥ pratirūpamiti

141.2-3

tau ha prajāpatiruvāca sādhvalaṅkṛtau suvasanau pariṣkṛtau bhūtvodaśarāve'vekṣethāmiti | tau ha sādhvalaṅkṛtau | suvasanau pariṣkṛtau bhūtvodaśarāve'vekṣāñcakrāte | tau ha prajāpatiruvāca kiṃ paśyatha iti

141.3-2

tau hocaturyathaivedamāvāṃ bhagavaḥ sādhvalaṅkṛtau suvasanau pariṣkṛtau sva evamevemau bhagavaḥ sādhvalaṅkṛtau suvasanau
pariṣkṛtāvityeṣa ātmeti| hovācaitadamṛtamabhayametad brahmeti| tau ha śāntahṛdayau pravavrajatuḥ

141.4-2

tau hānvīkṣya prajāpatiruvāca anupalabhyātmānamanuvidya vrajato yatara etadupaniṣaddho bhaviṣyanti devā vā'surā vā te parābhaviṣyantīti| sa ha śāntahṛdaya eva virocano'surā jagāma| tebhyo haitāmupaniṣadaṃ provācātmeveha mahayya ātmā paricarya ātmānameveha mahayannātmānaṃ paricarannubhau lokāvavāpnotīmaṃ cāmuṃ ceti

141.5

yasmādevamasurasampradāyo'dyāpyanuvartate—
tasmādapyayehādadānamaśraddhānamayajamānamāhurāsuro bateti
amurāṇām̐ hyeṣopaniṣat pretasya śarīraṃ bhikṣayā vasanenālaṅkāreṇeti sam̐ skurvantyetena hyamuṃ lokaṃ jeṣyanto manyante

Linked texts (7)