Different Upanishads 143
Different Upaniṣads 143
- Language
- Sanskrit
Contents
- 143.2 — 2 parts
143.1
uktadaharavidyāyāḥ śeṣabhūtān japādividhānārthaṃ mantrānāhaśyāmācchabalaṃ prapadye śabalācchyāmaṃ prapadye'śva iva romāṇi
vidhūya pāpaṃ candra iva rāhormukhāt pramucya dhūtvā śarīramakṛtaṃ
kṛtātmā brahmalokamabhisambhavāmīti abhisambhavāmīti
143.1-2
daharo'sminnantarākāśa ityuktākāśaśabdasya brahmaviṣayatvamupapādayatiākāśo vai nāmarūpayornirvahitā | te yadantarā tadbrahma
tadamṛtam̐ sa ātmā | prajāpateḥ sabhāṃ veśma prapadye yaśo'haṃ
bhavāmi brāhmaṇānāṃ yaśo rājñāṃ yaśo diśāṃ yaśo'hamanuprāpatsi | sa hāhaṃ yaśasāṃ yaśaḥ śyetamadatkamadatkam̐ śyetaṃ
lindu mābhigāṃ lindu mābhigām
143.1-3
uktavidyāyāḥ puruṣotprekṣārūpāśrudyāsārthamanādiparamparāgatatatvamāha—
tadvaitad brahmā prajāpataya uvāca prajāpatirmanave manuḥ prajābhyaḥ
ācāryakulādvedamadhītya yathāvidhānaṃ guroḥ karmātiśeṣeṇābhisamāvṛtya kuṭumbe śucau deśe svādhyāyamadhīyāno dhārmikān
vidadhadātmani sarvendriyāṇi sampratiṣṭhāpyāhim̐san sarvabhūtānyanyatra tīrthebhyaḥ sa khalvevaṃ vartayan yāvadāyuṣaṃ brahmalokamabhisampadyate| na ca punarāvartate na ca punarāvartate
143.2
tadatiśeṣeṇa kālena yathāvidhānaṃ smṛtyuktaprāṅmukhatvādyadhyāpanavidhānamanatikramya ācāryakulān sārthaṃ vedamadhītyā abhisamāvṛttya dharmajijñāsāṃ
parisamāpya gurukulānnivṛttya dārānāhṛtya kuṭumbe gārhasthye karmaṇi
sthitvā śucau deśe āsīnaḥ svādhyāyaṃ vedamadhīyānaḥ paṭhamāno dhārmikān
dharmayuktān putrān śiṣyāṃśca vidadhan dhārmikatvena tānniyamayan ātmani
svahṛdaye hārde brahmaṇi sarvendriyāṇi sampratiṣṭhāpya upasaṃhṛtya tīrthebhyaḥ
śāstrānujñāviṣayebhyo'nyatra sarvāṇi sthāvarajaṅgamāni bhūtānyahiṃsan
pīḍayan varteta | sa khalvadhikṛtaḥ kuṭumbe eva yathoktena prakāreṇa yāvadāyuṣaṃ
yajjīvaṃ vartayan dehānte brahmalokaṃ hiraṇyagarbhākhyamabhisampadyate
prāpnoti | na ca punastato brahmalokān mahāpralayāt pūrvakāle āvartate,
mahāpralayānantaraṃ ca punarāvartate eva, kāryabrahmaprāptatvāt | dvirabhyāsa
upaniṣadvidyāparisamāptyarthaḥ
143.2.p1
iti daśame pañcadaśaḥ khaṇḍaḥ || 15
143.2.p2
iti chāndogyabrāhmaṇe daśamaḥ prapāṭhakaḥ
Linked texts (2)
- Chāndogyopaniṣad — Sanskrit
- Īśādyupaniṣadaḥ — Sanskrit