Pramāṇa · Search · About · API

Different Upanishads 144

Different Upaniṣads 144

Language
Sanskrit

144.1

oṃ śrāyantu mamāṅgāni vākprāṇaścakṣuḥ śrotramatho balamindriyāṇi ca sarvāṇi sarvaṃ brahmaupaniṣadaṃ mā'haṃ brahma nirākuryāṃ
mā mā brahma nirākarot anirākaraṇamastvanirākaraṇaṃ me'stu tadātmani nirate ya upaniṣatsu dharmāste mayi santu te mayi santu
oṃ śāntiḥ śāntiḥ śāntiḥ
oṃ uṣā vā aśvasya medhyasya śiraḥ sūryaścakṣurvātaḥ prāṇo
vyāttamagnirvaiśvānaraḥ saṃvatsara ātmā'śvasya medhyasya dyauḥ
pṛṣṭhamantarikṣamudaraṃ pṛthivī pājasyaṃ diśaḥ pārśve avāntaradiśaḥ parśava ṛtavo'ṅgāni māsāścārdhamāsāśca parvāṇyahorātrāṇi pratiṣṭhā nakṣatrāṇyasthīni nabho mām̐sāni
ūvadhyam̐ sikatāḥ sindhavo gudā yakṛcca klomānaśca parvatā
oṣadhayaśca vanaspatayaśca lomānyuccanpūrvārdho nimlocajjhaghanārdho yadvijṛmbhate tadvidyotate yadvidhūnute tatstanayati
yanmehati tadvarṣati vāgevāsya vāk

144.2

aharvā aśvaṃ purastān mahimā'nvajāyata | tasya pūrve samudre
yonī rātrirenaṃ paścānmahimā'nvajāyata | tasyāpare samudre
yoniretau vā aśvaṃ mahimānāvabhitaḥ saṃbabhūvatuḥ | hayo bhūtvā
devānavahadvājī gandharvānarvā'surānaśvo manuṣyāntsamudra evāsya
bandhuḥ samudro yoniḥ

144.1-2

naiveha kiñcanāgra āsīnmṛtyunaivedamāvṛtamāsīt | aśanāyayāaśanāyā hi mṛtyu stanmano'kurutā''tmanvī syāmiti | so'rcannacarat | tasyārcata āpo'jāyanta | arcate vai me kamabhūditi tadevārkasyārkatvam | kaṃ vā asmai bhavati ya evametadarkasyārkatvaṃ veda

144.2-2

āpo vā arkaṃstadyadapām̐ śara āsīt tatsamahanyata | sā
pṛthivyabhavat | tasyāmaśrāmyat | tasya śrāntasya taptasya
tejorasaḥ | naravartaṃtāāgniḥ

144.3

sa tredhātmānaṃ vyakurutādityaṃ tṛtīyaṃ vāyuṃ tṛtīyam̐ sa eva
prāṇasredhā vihitaḥ | tasya prācī dikśiro'sau cemau
athāsya pratīcī dikpucchamasau ca sakthyau dakṣiṇā
codīcī ca pārśve dyauḥ pṛṣṭhamantarikṣamudaramiyamuraḥ sa evo'psu
pratiṣṭhito yatra ka caiti tadeva pratitiṣṭhatyevaṃ vidvān

144.4

so'kāmayata dvitīyo ma ātmā jāyeteti| sa manasā vācaṃ mithunam̐ samabhavadaśanāyā mṛtyustadvaita asīt sa saṃvatsaro'bhavat| na ha purā tataḥ saṃvatsara āsa tametāvantaṃ kālamabibhaḥ| yāvān saṃvatsarastametāvataḥ kālasya parastādasṛjata| taṃ jātamabhi vyādadāt sa bhāṇakarot| saiva vāgabhavat

144.6

so'kāmayata bhūyasā yajñena bhūyo yajeyeti| so'śrāmyat| sa tapo'tapyata| tasya śrāntasya taptasya yaśo vīryamudakrāmat| prāṇā vai yaśo vīryaṃ tatprāṇeṣūtkrānteṣu śarīraṃ śvayitumadhriyata| tasya śarīra eva mana āsīt

144.7

so'kāmayata medhyaṃ sa idaṃ syādātmanvyanena syāmiti| tato'śvaḥ samabhavat| yadaśvat tanmedhyamabhūditi tadevāśvamedhasyāśvamedhatvam| eṣa ha vā aśvamedhaṃ veda ya enamevaṃ veda| tamanavarudhyevāmanyata| taṃ saṃvatsarasya parastādātmana ālabhata paśūn devatābhyaḥ pratyauhat| tasmātsarvadevatyaṃ prokṣitaṃ prājāpatyamālabhanta| eṣa ha vā aśvamedho ya eṣa tapati tasya saṃvatsara
ātmā'yamagnirarkastasyeme lokā ātmānastāvetāvarkāśvamedhau
so punarekaiva devatā bhavati | mṛtyurevāpa punarmṛtyuṃ jayati | nainaṃ mṛtyurāpnoti | mṛtyurasyā''tmā bhavatyetāsāṃ devatānāmeko bhavati

Linked texts (11)