[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 145 # Different Upanishads 145 Different Upaniṣads 145 - **Language:** Sanskrit ### [145.1](https://indike.org/pramana/in.veda.upanisad.mukhya.differentupanisads.145.1) dvayā ha prājāpatyā devaścāsurāśca | tataḥ kānīyasā eva devā jyāyasā asurāsta eṣu lokeṣvaspardhanta | te ha devā ūcurhantāsurān yajña udgīthenātyayāmeti ### [145.2](https://indike.org/pramana/in.veda.upanisad.mukhya.differentupanisads.145.2) te ha vācamūcustvaṃ na udgāyeti | tatheti tebhyo vāgudagāyat yo vāci bhogastaṃ devebhya āgāyat | yatkalyāṇaṃ vadati tadātmane | te viduranena vai na udgātrā'tyeṣyantīti | tamabhidrutya pāpmanā'vidhyan | sa yaḥ sa pāpmā yadevedamapratirūpaṃ vadati sa eva sa pāpmā ### [145.3](https://indike.org/pramana/in.veda.upanisad.mukhya.differentupanisads.145.3) atha ha prāṇamūcustvaṃ na udgāyeti| tatheti tebhyaḥ prāṇa udgāyat| yaḥ prāṇe bhogastaṃ devebhya āgāyat| yatkalyāṇaṃ jighrati tadātmane| te viduranena vai na udgātrā'tyeṣyantīti| tamabhidrutya pāpmanā'vidhyan| sa yaḥ sa pāpmā yadevedamapratirūpaṃ jighrati sa eva sa pāpmā ### [145.4](https://indike.org/pramana/in.veda.upanisad.mukhya.differentupanisads.145.4) atha ha cakṣurūcustvaṃ na udgāyeti| tatheti tebhyaścakṣurudagāyat| yaścakṣuṣi bhogastaṃ devebhya āgāyat| yatkalyāṇaṃ paśyati tadātmane| te viduranena vai na udgātrā'tyeṣyantīti| tamabhidrutya pāpmanā'vidhyan| sa yaḥ sa pāpmā yadevedamapratirūpaṃ paśyati sa eva sa pāpmā ### [145.5](https://indike.org/pramana/in.veda.upanisad.mukhya.differentupanisads.145.5) atha ha śrotramūcustvaṃ na udgāyeti| tatheti tebhya śrotramudagāt| yaḥ śrotre bhogastaṃ devebhya āgāyat| yatkalyāṇaṃ śṛṇoti tadātmane| te viduranena vai na udgātrā'tyeṣyantīti| tamabhidrutya pāpmanā'vidhyan| sa yaḥ sa pāpmā yadevedamapratirūpaṃ śṛṇoti sa eva sa pāpmā ### [145.6](https://indike.org/pramana/in.veda.upanisad.mukhya.differentupanisads.145.6) atha ha mana ūcustvaṃ na udgāyeti| tatheti tebhyo mana udagāyat| yo manasi bhogastaṃ devebhya āgāyat| yatkalyāṇaṃ saṅkalpayati tadātmane te viduranena vai na udgātrā'tyeṣyantīti| tamabhidrutya pāpmanā'vidhyan| sa yaḥ pāpmā yadevedamapratirūpaṃ saṅkalpayati sa eva sa pāpmaivamu khalvetā devatāḥ pāpmabhirupāsṛjannevamenāḥ pāpmanā'vidhyan ### [145.7](https://indike.org/pramana/in.veda.upanisad.mukhya.differentupanisads.145.7) atha hemāsanyaṃ prāṇamūcustvaṃ na udgāyeti | tatheti tebhya eva prāṇa udagāyat | te vidurena vai na udgātrā''ḍye'yantīti | tadabhidrutya pāpmanā'vidhyatsan | sa yathā'śmānamṛtvā loṣṭo vidhvam̐setaivam̐ haiva vidhvam̐samānā viṣvañco vineśustato devā abhavan parā'surā bhavatyātmanā parā'sya dviṣanbhrātṛvyo bhavati ya evaṃ veda ### [145.8](https://indike.org/pramana/in.veda.upanisad.mukhya.differentupanisads.145.8) te hocuḥ ka nu so'bhūdyo na itthamasaktyeyamāsye'ntariti so'yāsya āṅgiraso'ṅgānāṃ hi rasaḥ ### [145.6-2](https://indike.org/pramana/in.veda.upanisad.mukhya.differentupanisads.145.6-2) sā vā eṣā devatā dūrnāma dūraṃ hyasyā mṛtyurdūraṃ ha vā asmān mṛtyurbhavati ya evaṃ veda ### [145.10](https://indike.org/pramana/in.veda.upanisad.mukhya.differentupanisads.145.10) etadeva spaṣṭayati— sā vā eṣā devataitāsāṃ devatānāṃ pāpmānaṃ mṛtyumapahatya yatrās'sāṃ diśāmantastaddmayāścakāra | yadāsāṃ pāpmano vinyadadhāt tasmānna janamiyānnāntamiyānnetpāpmānaṃ mṛtyumanvavāyānīti ### [145.11](https://indike.org/pramana/in.veda.upanisad.mukhya.differentupanisads.145.11) sā vā eṣā devataitāsāṃ devatānāṃ pāpmānaṃ mṛtyumapehatyāthainā mṛtyumatyavahat ### [145.12](https://indike.org/pramana/in.veda.upanisad.mukhya.differentupanisads.145.12) sa vai vācameva prathamāmatyavahat | sā yadā mṛtyumatyamucyata so'gnirabhavat | so'yamagniḥ pareṇa mṛtyumatikrānto dīpyate ### [145.13](https://indike.org/pramana/in.veda.upanisad.mukhya.differentupanisads.145.13) atha prāṇamatyavahat | sa yadā mṛtyumatyamucyata sa vāyurabhavat so'yaṃ vāyuḥ pareṇa mṛtyumatikrāntaḥ pavate ### [145.14](https://indike.org/pramana/in.veda.upanisad.mukhya.differentupanisads.145.14) atha cakṣuratyavahat | tadyadā mṛtyumatyamucyata sa ādityo'bhavat | so'sāvādityaḥ pareṇa mṛtyumatikrāntastapati ### [145.15](https://indike.org/pramana/in.veda.upanisad.mukhya.differentupanisads.145.15) atha śrotramatyavahat | tadyadā mṛtyumatyamucyata tā diśo'bhavan || stā imā diśaḥ pareṇa mṛtyumatikrāntāḥ ### [145.16](https://indike.org/pramana/in.veda.upanisad.mukhya.differentupanisads.145.16) atha mano'tyavahat | tadyadā mṛtyumatyamucyata sa candramā abhavat | so'sau candraḥ pareṇa mṛtyumatikrānto bhātyeva ॅ ha vā enameṣā devatā mṛtyumativahati ya evaṃ veda ### [145.17](https://indike.org/pramana/in.veda.upanisad.mukhya.differentupanisads.145.17) athā''tmana annādyamāgāyat | yaddhi kiñcānnamadyate'nenaiva tadvadata iha pratitiṣṭhati ### [145.18](https://indike.org/pramana/in.veda.upanisad.mukhya.differentupanisads.145.18) te devā annamuvannetāvadvā idaṃ sarvaṃ yadannaṃ tadātmana āgāsīranu no'sminnanna ābhajasveti| te vai māmabhisaṃviśateti| tatheti taṃ samantaṃ parieyaviśanta| tasmādyadanenānnamatti tenaitāstṛpyantyevaṃ ha vā enaṃ svā abhisaṃviśanti bhartā svānāṃ śreṣṭhaḥ pura etā bhavatyannādo'dhipatirya evaṃ ya u haivaṃvidaṃ streṣu prati pratibubhūrṣanti na haivālaṃ bhāryebhyo bhavatyatha ya evaitamanubhavati yo vai tamanu bhāryanbubhūrṣaṃ ta sa haivālaṃ bhāryebhyo bhavati ### [145.19](https://indike.org/pramana/in.veda.upanisad.mukhya.differentupanisads.145.19) so'sya āṅgiraso'ṅgānām̐, hi rasaḥ prāṇo vā aṅgānām̐, rasaḥ prāṇo hi vā aṅgānām̐, rasastasmāt yasmāt kasmāccāṅgātprāṇa utkrāmati tadeva tacchuṣyatyeva hi vā aṅgānām̐, rasaḥ ### [145.20](https://indike.org/pramana/in.veda.upanisad.mukhya.differentupanisads.145.20) eṣa u eva bṛhaspatirvāgvai bṛhatī tasyā eṣa pati-stasmādu bṛhaspatiḥ ### [145.21](https://indike.org/pramana/in.veda.upanisad.mukhya.differentupanisads.145.21) eṣa u eva brahmaṇaspatirvāgvai brahma tasyā eṣa patistasmādu brahmaṇaspatiḥ ### [145.22](https://indike.org/pramana/in.veda.upanisad.mukhya.differentupanisads.145.22) eṣa u eva sāma vāgvai sāmaiṣa sā cāmaśceti tatsāmnaḥ sāmatvam | yadveva samaḥ pluṣiṇā samo maśakena samo nāgena sama ebhirtribhirlokaiḥ samo'nena sarveṇa tasmādva sāmāśnute | sāmnaḥ sāyujyaṃ salokatāṃ ya evametatsāma veda ### [145.23](https://indike.org/pramana/in.veda.upanisad.mukhya.differentupanisads.145.23) eṣa u vā udgīthaḥ prāṇo vā utprāṇena hīdaṃ sarvamuttabdhaṃ vāgeva gīthoca gīthā ceti sa udgīthaḥ ### [145.24](https://indike.org/pramana/in.veda.upanisad.mukhya.differentupanisads.145.24) taddhāpi brahmadattaścaikitāneyo rājānaṃ bhakṣayannuvācāyaṃ tyasya rājā mūrdhānaṃ vipātayatādito'syāstrāṅgiraso'nyenodgāyaditi vācā ca hyeva sa prāṇena codagāyaditi ### [145.25](https://indike.org/pramana/in.veda.upanisad.mukhya.differentupanisads.145.25) tasya haitasya sāmno yaḥ svaṃ veda bhavati hāsya svaṃ tasya vai svara eva svaṃ tasmādārtvijyaṃ kariṣyanvāci svaramiccheta| tayā vācā svarasampannayārtvijyaṃ kuryāt| tasmādyajñe svaravantaṃ didṛkṣanta eva atho yasya svaṃ bhavati bhavati hāsya svaṃ ya evametatsāmnaḥ svaṃ veda ### [145.26](https://indike.org/pramana/in.veda.upanisad.mukhya.differentupanisads.145.26) tasya haitasya sāmno yaḥ suvarṇaṃ veda bhavati hāsya suvarṇam | tasya vai svara eva suvarṇaṃ bhavati | hāsya suvarṇaṃ ya evametatsāmnaḥ suvarṇaṃ veda ### [145.27](https://indike.org/pramana/in.veda.upanisad.mukhya.differentupanisads.145.27) tasya haitasya sāmno yaḥ pratiṣṭhāṃ veda prati ha tiṣṭhati tasya vai vāgeva pratiṣṭhā | vāci hi khalveṣa etatprāṇaḥ pratiṣṭhito gīyate'nna ityu haika āhuḥ ### [145.28](https://indike.org/pramana/in.veda.upanisad.mukhya.differentupanisads.145.28) athātaḥ pavamānānāmevābhyārohaḥ | sa vai khalu prastotā sāma prastauti sa yatra prastuyāttadetāni japet | asato mā sadgamaya tamaso mā jyotirgamaya | mṛtyormā'mṛtaṃ gamayeti | sa yadāhāsato mā sadgamayeti | mṛtyurvā asatsadamṛtaṃ mṛtyormā'mṛtaṃ gamayāmṛtaṃ mā kurvityevaitadāha tamaso mā jyotirgamayeti | mṛtyurvai tamo jyotiramṛtaṃ mṛtyormā'mṛtaṃ gamayāmṛtaṃ mā kurvityevaitadāha mṛtyormā'mṛtaṃ gamayeti nātra tirohitamivāsti | atha yānītarāṇi stotrāṇi teṣvātmane'nnādyamāgāyet | tasmādu teṣu varaṃ vṛṇīta | yaṃ kāmaṃ kāmayeta tam̐ sa eva evaṃvidudgātā''tmane vā yajamānāya vā yaṃ kāmaṃ kāmayate tamāgāyati | tadvaitallokajideva na haivālokyatāyā āśā''sti ya evametatsāma veda ## Linked texts (11) - [Kāṇva](https://indike.org/pramana/in.veda.upanisad.mukhya.brhadaranyaka*kanva.1.3.10) — Sanskrit - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_1274) — Sanskrit - [Mādhyandina](https://indike.org/pramana/in.veda.brahmana.satapatha*madhyandina.14.3.2.31) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.134.10) — Sanskrit - [Upaniṣads](https://indike.org/pramana/in.veda.upanisad.mukhya.upanisads.199.10) — Sanskrit - [Śatapathabrāhmaṇa or Bṛhadāraṇyakabrāhmaṇa](https://indike.org/pramana/in.veda.brahmana.satapatha.satapathabrahmanaorbrhadaranyakabrahmana.4.12) — Sanskrit - [Madhukāṇḍa](https://indike.org/pramana/in.veda.upanisad.mukhya.madhukanda.2.10) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.204.10) — Sanskrit - [Bṛhadāraṇyakopaniṣadbhāṣyavārttikasāra](https://indike.org/pramana/in.darsana.advaita.prakarana.early.vidyaranya.brhadaranyakopanisadbhasyavarttikasara.13.11) — Mādhava, Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.190.11) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.196.19) — Sanskrit --- Source: [https://indike.org/pramana/in.veda.upanisad.mukhya.differentupanisads.145](https://indike.org/pramana/in.veda.upanisad.mukhya.differentupanisads.145) · Pramāṇa