Different Upanishads 149
Different Upaniṣads 149
- Language
- Sanskrit
Contents
- 149.4 — 1 part
149.1
yo ha vai śiśum̐ sādhānam̐ sapratyādhānam̐ sasthūṇam̐ sadāmaṃ veda sanna hṛidviṣato bhrātṛvyānavaruṇaddhi| ayaṃ vāva śiśuryo'yaṃ madhyamaḥ prāṇastasyedamevā''dhānamidaṃ pratyādhānaṃ prāṇāḥ sthūṇā''nnaṃ dāma
149.2
tametāḥ saptākṣitaya upatiṣṭhante | tadyā imā akṣan lohinyo
rājayastābhirenam̐, rudro'nvāyatto'tha yā akṣannāpastābhiḥ
parjanyo yā kanīnakā tayā''dityo yatkṛṣṇaṃ tenāsyiryacchukkaṃ
tenendro'dharayainaṃ vartanyā pṛthivyanvāyattā dyauruttarayā | nāsyānnaṃ
kṣīyate ya evaṃ veda
149.3
tadeṣa śloko bhavati | arvāgbilaścamasa ūrdhvabudhnastasminyaśo
nihitaṃ viśvarūpam| tasyā''sata ṛṣayaḥ sapta tīre vāgaṣṭamī
brahmaṇā saṃvidāneti| arvāgvilaścamasa ūrdhvabudhna itīdaṃ tacchira
eṣa hyarvāgvilaścamasa ūrdhvabudhnastasminyaśo nihitaṃ viśvarūpamiti prāṇā vai yaśo viśvarūpaṃ prāṇānetadāha tasyā''sata
ṛṣayaḥ sapta tīra iti prāṇā vā ṛṣayaḥ prāṇānetadāha| vāgaṣṭamī brahmaṇā saṃvidāneti vāgdhyaṣṭamī brahmaṇā saṃvitte
149.4
imāveva gotamabharadvājāvayameva gotamo'yaṃ bharadvāja imāveva
viśvāmitrajamadagnī ayameva viśvāmitro'yaṃ jamadagnirimāveva
vasiṣṭhakaśyapāvayameva vasiṣṭho'yaṃ kaśyapo vāgevātrirvācā
hyannamadyate'tti haṃ vai nāmaitadyadatririti sarvaṃsyāttā bhavati
sarvamasyānnaṃ bhavati ya evaṃ veda
149.4.p1
iti dvitīyādhyāye dvitīyaṃ brāhmaṇam || 2