Different Upanishads 15: atha pañcamaḥ praśnaḥ
Different Upaniṣads 15
- Language
- Sanskrit
Contents
- 15.7 — 1 part
atha pañcamaḥ praśnaḥ
15.1
evaṃ caturthapraśnena tattvaṃpadārthaśodhanapūrvakavākyārthajñānena uttamādhikāriṇaḥ paravidyāyā''kṣaraprāptiruktā | atha yasya vairāgyasāmyenādhikāramānyaṃ tasya brahmalokaprāptikrameṇākṣaraprāptaye oṃkāropāsanamāha—
atha hainaṃ śaibyaḥ satyakāmaḥ papraccha | sa yo ha vai tadbhagavanmanuṣyeṣu prayāṇāntamoṃkāramabhidhyāyīta | katamaṃ vāva
sa tena lokaṃ jayatīti
15.2
tasmai sa hovāca| etadvai satyakāma paraṃ cāparaṃ
ca brahma yadoṅkārastasmādvidvānetenaivāyatanenaikataramanveti
15.3
sa yadyekamātramabhidhyāyīta sa tenaiva saṃveditastūrṇameva jagatyāmabhisaṃpadyate| tamṛco manuṣyalokamupanayante sa tatra tapasā brahmacaryeṇa śraddhayā
saṃpanno mahimānamanubhavati
15.4
atha yadi dvimātreṇa manasi saṃpadyate so'ntarikṣaṃ
yajurbhirunnīyate somalokaṃ sa somaloke vibhūtimanubhūya punarāvartate
15.5
evamoṅkāraṃ stutvā tadupāsanamāha—
yaḥ punaretaṃ trimātreṇomityetenaivākṣareṇa paraṃ puruṣamabhidhyāyīta | sa tejasi sūrye saṃpanno yathā
pādodarastvacā vinirmucyate | evaṃ ha vai sa pāpmanāvinirmuktaḥ sa sāmabhirunnīyate brahmalokaṃ sa etasmājjīvaghanāt parātparaṃ puriśayaṃ puruṣamīkṣate
tadetau ślokau bhavataḥ
15.6
tisro mātrā mṛtyumatyaḥ prayuktā anyo'nyasaktā anaviprayuktaḥ | kriyāsu bāhyābhyantaramadhyamāsu samyakprayuktāsu na kampate jñaḥ
15.7
ṛgbhiretaṃ yajurbhirantarikṣaṃ sa sāmabhiryattat- kavayo vedayante | tamoṅkāreṇaivāyatenenānveti vidvān | yattacchāntamajaramamṛtamabhayaṃ paraṃ ceti
15.7.p1
iti pañcamaḥ praśnaḥ || 5