Different Upanishads 150
Different Upaniṣads 150
- Language
- Sanskrit
150.1
dve vāva brahmaṇo rūpe mūrtaṃ caivāmūrtaṃ ca martyaṃ cāmṛtaṃ
ca sthitaṃ ca yacca sacca tyaṃ ca
150.2
tadenmūrtaṃ yadanyadvāyoścāntarikṣāccaitanmartyametatsthitametat| satasyaitasya mūrtasyaitasya martyasyaitasya sthitasyaitasya sata eṣa raso ya eṣa tapati| sato hyeṣa rasaḥ
150.3
athāmūrtaṃ vāyuścāntarikṣaṃ caitadamṛtametadyadetattyam | tasyaitasyāmūrtasyaitasyāmṛtasyaitasya yata etasya tyasyaiṣa raso ya eṣa etasmin maṇḍale puruṣasyāsya hyeṣa rasa ityadhidaivatam
150.4
athādhyātmamidameva mūrtaṃ yadanyatprāṇācca yaścāyamantarikṣamākāśa etanmartyametatsthitametat sat tasyaitasya mūrtasyaitasya martyasyaitasya sthitasyaitasya sata eṣa raso yaccakṣuḥ sato hyeṣa rasaḥ
150.5
athāmūrtaṃ prāṇaśca yaścāyamantarātmannākāśa etadamṛtametadyadetattyam | tasyaitasyāmūrtasyaitasyāmṛtasya tasyaitasya yata etasya tyasyaiṣa raso yo'yaṃ dakṣiṇe'kṣan puruṣasyāsya hyeṣa rasaḥ
150.6
athāsya karaṇātmano vāsanāma yaṃ rūpamāha—
tasya haitasya puruṣasya rūpaṃ yathā māhārajanaṃ vāso yathā pāṇḍvāvikaṃ yathendragopo yathāṅnyarciryaṃthā puṇḍarīkaṃ sakṛdvidyuttā m̐
sakṛdvidyutteva ha vā asya śrīrbhavati ya evaṃ veda| athāta ādeśo
neti neti na hyetasmāditi netyanyatparamastyatha nāmadheyam̐
satyasya satyamiti prāṇā vai satyaṃ teṣāmeṣa satyam