[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 152 # Different Upanishads 152 Different Upaniṣads 152 - **Language:** Sanskrit ### [152.1](https://indike.org/pramana/in.veda.upanisad.mukhya.differentupanisads.152.1) iyaṃ pṛthivī sarveṣāṃ bhūtānāṃ madhvasyai pṛthivyai sarvāṇi bhūtāni madhu| yaścāyamasyāṃ pṛthivyāṃ tejomayo'mṛtamayaḥ puruṣo yaścāyamadhyātmaṃ śārīrastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.2](https://indike.org/pramana/in.veda.upanisad.mukhya.differentupanisads.152.2) imā āpaḥ sarveṣāṃ bhūtānāṃ madhvāsāmapām, sarvāṇi bhūtāni madhu | yaścāyamāpsu tejomayo'mṛtamayaḥ puruṣo yaścāyamadhyātmaṃ raitasastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.3](https://indike.org/pramana/in.veda.upanisad.mukhya.differentupanisads.152.3) ayamagniḥ sarveṣāṃ bhūtānāṃ madhvasyāgneḥ sarvāṇi bhūtāni madhu | yaścāyamasminnagnau tejomayo'mṛtamayaḥ puruṣo yaścāyamadhyātmaṃ vāṅmayastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.4](https://indike.org/pramana/in.veda.upanisad.mukhya.differentupanisads.152.4) ayaṃ vāyuḥ sarveṣāṃ bhūtānāṃ madhvasya vāyoḥ sarvāṇi bhūtāni madhu | yaścāyamasminvāyau tejomayo'mṛtamayaḥ puruṣo yaścāyamadhyātmaṃ prāṇastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.5](https://indike.org/pramana/in.veda.upanisad.mukhya.differentupanisads.152.5) ayamādityaḥ sarveṣāṃ bhūtānāṃ madhvasyādityasya sarvāṇi bhūtāni madhu | yaścāyamasminnāditye tejomayo'mṛtamayaḥ puruṣo yaścāyamadhyātmaṃ cākṣuṣastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.6](https://indike.org/pramana/in.veda.upanisad.mukhya.differentupanisads.152.6) bhūtāni diśaḥ sarveṣāṃ bhūtānāṃ madhvāsāṃ diśām̐, sarvāṇi bhūtāni madhu | yaścāyamāsu dikṣu tejomayo'mṛtamayaḥ puruṣo yaścāyamadhyātmam̐, śrautraḥ prātiśrutkastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.7](https://indike.org/pramana/in.veda.upanisad.mukhya.differentupanisads.152.7) ayaṃ candraḥ sarveṣāṃ bhūtānāṃ madhvasya candrasya sarvāṇi bhūtāni madhu | yaścāyamasmim̐ścandre tejomayo'mṛtamayaḥ puruṣo yaścāyamadhyātmaṃ mānasastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.8](https://indike.org/pramana/in.veda.upanisad.mukhya.differentupanisads.152.8) iyaṃ vidyutsarveṣāṃ bhūtānāṃ madhvasyai vidyutaḥ sarvāṇi bhūtāni madhu | yaścāyamasyāṃ vidyuti tejomayo'mṛtamayaḥ puruṣo yaścāyamadhyātmaṃ taijasastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.9](https://indike.org/pramana/in.veda.upanisad.mukhya.differentupanisads.152.9) ayam̐ stanayitnuḥ sarveṣāṃ bhūtānāṃ madhvasya stanayitnoḥ sarvāṇi bhūtāni madhu | yaścāyamasminstanayitnau tejomayo'mṛtamayaḥ puruṣo yaścāyamadhyātmam̐ śābdaḥ sauvarastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.6-2](https://indike.org/pramana/in.veda.upanisad.mukhya.differentupanisads.152.6-2) svare viśeṣato bhāvāt sauvaraviśeṣaṇam ### [152.10](https://indike.org/pramana/in.veda.upanisad.mukhya.differentupanisads.152.10) ayamākāśaḥ sarveṣāṃ bhūtānāṃ madhvasyā''kāśasya sarvāṇi bhūtāni madhu | yaścāyamasminnākāśe tejomayo'mṛtamayaḥ puruṣo yaścāyamadhyātmaṃ hṛdyākāśastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.11](https://indike.org/pramana/in.veda.upanisad.mukhya.differentupanisads.152.11) ayaṃ dharmaḥ sarveṣāṃ bhūtānāṃ madhvasya dharmasya sarvāṇi bhūtāni madhu | yaścāyamasmindharme tejomayo'mṛtamayaḥ puruṣo yaścāyamadhyātmaṃ dharmastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.12](https://indike.org/pramana/in.veda.upanisad.mukhya.differentupanisads.152.12) idaṃ satyaṃ sarveṣāṃ bhūtānāṃ madhvasya satyasya sarvāṇi bhūtāni madhu | yaścāyamasminsatye tejomayo'mṛtamayaḥ puruṣo yaścāyamadhyātmaṃ sātyastejomayo'mṛtamayaḥ puruṣo'yameva sa yo'yamātmedamamṛtamidaṃ brahmedaṃ sarvam ### [152.13](https://indike.org/pramana/in.veda.upanisad.mukhya.differentupanisads.152.13) idaṃ mānuṣaṃ sarveṣāṃ bhūtānāṃ madhvasya mānuṣasya sarvāṇi bhūtāni madhu | yaścāyamasminmānuṣe tejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.14](https://indike.org/pramana/in.veda.upanisad.mukhya.differentupanisads.152.14) ayamātmā sarveṣāṃ bhūtānāṃ madhvasyātmanaḥ sarvāṇi bhūtāni madhu | yaścāyamasminnātmani tejomayo'mṛtamayaḥ puruṣo yaścāyamātmā tejomayo'mṛtamayaḥ puruṣo'yameva sa yo'yamātmedamamṛtamidaṃ brahmedam̐ sarvam ### [152.15](https://indike.org/pramana/in.veda.upanisad.mukhya.differentupanisads.152.15) sa vā ayamātmā sarveṣāṃ bhūtānāmadhipatiḥ sarveṣāṃ bhūtānāṃ rājā | tadyathā rathanābhau ca rathanemau cārāḥ sarve samarpitā evamevāsminnātmani sarvāṇi bhūtāni sarve devāḥ sarve lokāḥ sarve prāṇāḥ sarvaṃ eta ātmānaḥ samarpitāḥ ### [152.16](https://indike.org/pramana/in.veda.upanisad.mukhya.differentupanisads.152.16) idaṃ vai tanmadhu dadhyaṅṅātharvaṇo'śvibhyāmuvāca| tadetadṛṣiḥ paśyannavocat| tadvāṃ narā sanayedam̐sa ugramāviṣkṛṇomi tanyaturna vṛṣṭim| dadhyaṅ ha yanmadhvātharvaṇo vāmaśvasya śīrṣṇā pra yadīmuvāceti ### [152.17](https://indike.org/pramana/in.veda.upanisad.mukhya.differentupanisads.152.17) idaṃ vai tanmadhu dadhyaṅṅātharvaṇo'śvibhyāmuvāca| tadetadṛṣiḥ paśyannavocat| ātharvaṇāyāśvinā dadhīce'śvyam̐ śiraḥ pratyairayatam| sa vāṃ madhu pravocadṛtāyantvāṣṭraṃ yaddhyāvapi kakṣyaṃ vāmiti ### [152.18](https://indike.org/pramana/in.veda.upanisad.mukhya.differentupanisads.152.18) idaṃ vai tanmadhu | dadhyaṅṅātharvaṇo'śvibhyāmuvāca | tadetadṛṣiḥ paśyannavocat | puraścakre dvipadaḥ puraścakre catuṣpadaḥ | puraḥ sa pakṣī bhūtvā puraḥ puruṣa āviśaditi | sa vā ayaṃ puruṣaḥ sarvāsu pūrṣu puriśayo nainena kiñcanānāvṛtaṃ nainena kiñcanāsaṃvṛtam ### [152.18-2](https://indike.org/pramana/in.veda.upanisad.mukhya.differentupanisads.152.18-2) kimciddhyanāvṛtamanācchāditaṃ nāsti tathainena kiñcana asaṃvṛtamananupraveśitaṃ nāsti| tathā ca paramātmaiva antarbahirbhāvena kāryakaraṇarūpeṇa vyavasthito na talo'nyatkiñcidastītyarthaḥ ### [152.16-2](https://indike.org/pramana/in.veda.upanisad.mukhya.differentupanisads.152.16-2) idaṃ vai tanmadhu dadhyaṅṅātharvaṇo'śvibhyāmuvāca| tadetadṛṣiḥ paśyannavocat| rūpaṃ rūpaṃ pratirūpo babhūva| tadasya rūpaṃ praticakṣaṇāya| indro māyābhiḥ pururūpa īyate| yuktā hyasya harayaḥ śatā daśeti| ayaṃ vai harayo'yaṃ vai daśa ca sahasrāṇi bahūni cānantāni ca| tadetad brahmāpūrvamanaparamanantaramabāhyamayamātmā brahma sarvānubhūrityanuśāsanam --- Source: [https://indike.org/pramana/in.veda.upanisad.mukhya.differentupanisads.152](https://indike.org/pramana/in.veda.upanisad.mukhya.differentupanisads.152) · Pramāṇa