Different Upanishads 156
Different Upaniṣads 156
- Language
- Sanskrit
156.1
yo retasi tiṣṭhan retaso'ntaro yam̐ reto na
veda yasya retaḥ śarīraṃ yo reto'ntaro yamayatyeṣa ta ātmāntaryāmyamṛto'dṛṣṭo draṣṭā'śrutaḥ śrotā'mato mantā'vijñāto vijñātā
nānyo'to'sti draṣṭā nānyo'to'sti śrotā nānyo'to'sti mantā
nānto'to'sti vijñātā | eṣa ta ātmāntaryāmyamṛto'tośratha ha vācaknavyuvāca brāhmaṇā bhagavanto hantāhamimaṃ dvau praśnau prakṣyāmi | tau cenme vakṣyati na vai jātu yuṣmākamimaṃ kaścid brahmodyaṃ jeteti pṛccha gārgīti
156.2
sā hovācāhaṃ vai tvā yājñavalkyā| yathā kāśyo vā vaideho
vograputra ujjyaṃ dhanuradhijyaṃ kṛtvā dvau bāṇavantau sapatnātivyādhinau haste kṛtvopottiṣṭhedevamevāhaṃ tvā dvābhyāṃ
praśnābhyāmupodasthāṃ tau me brūhīti pṛccha gārgīti
156.3
sā hovāca maddhvaṃ yājñavalkya divo yadavākpṛthivyā
yadantarā dyāvāpṛthivī ime yadbhūtaṃ ca bhavacca bhaviṣyaccetyācakṣate kasmim̐stadotaṃ ca protaṃ ceti
156.4
sa hovāca yadūrdhvaṃ gārgi divo yadavākpṛthivyā yadntarā dyāvāpṛthivī ime yadbhūtaṃ ca bhavacca bhaviṣyaccetyācakṣata ākāśe tadotaṃ ca protaṃ ceti
156.5
sā hovāca namaste'stu yājñavalkya yo ma etaṃ
vyacoco'parasmai dhārayasveti pṛccha gārgīti
156.6
sā hovāca yadūrdhvaṃ yājñavalkya divo yadavākpṛthivyā
yadantarā dyāvāpṛthivī ime yadbhūtaṃ ca bhavacca bhaviṣyaccetyācakṣate kasmim̐stadotaṃ ca protaṃ ceti
156.7
sa
hovāca yadūrdhvaṃ gārgi divo yadavākpṛthivyā yadantarā
dyāvāpṛthivī ime yadbhūtaṃ ca bhavacca bhaviṣyaccetyācakṣata ākāśa eva tadotaṃ ca protaṃ ceti kasminnu
khalvākāśa otaśca protaśceti
156.8
sa hovācaitadvai tadakṣaraṃ gārgi brāhmaṇā abhivadantyasthūlamanaṇvahrasvamadīrghamalohitamasnehamacchāyamatamo'vāyvanākāśamasaṅgamarasamagandhamacakṣuṣkamaśrotramavāṅmano'tejaskamaprāṇamamukhamātramanantaramabāhyam | na tadaśnāti kiñcana na tadaśnāti kaścana
156.6-2
etasya vā akṣarasya praśāsane gārgi sūryācandramasau vidhṛtau
tiṣṭhataḥ | etasya vā akṣarasya praśāsane gārgi dyāvāpṛthivyau
vidhṛte tiṣṭhataḥ | etasya vā akṣarasya praśāsane gārgi nimeṣā
muhūrtā ahorātrāṇyardhamāsā māsā ṛtavaḥ saṃvatsarā iti
vidhṛtāstiṣṭhanti | etasya vā akṣarasya praśāṃsane gārgi
prācyo'yā nadyaḥ syandante śvetebhyaḥ parvatebhyaḥ pratīcyo'nyā
yāṃ yāṃ ca diśamanvetasya praśāsane gārgi dadato manuṣyāḥ
praśam̐santi yajamānaṃ devā darvīṃ pitaro'nvāyattāḥ
156.10
yo vā etadakṣaraṃ gārgyaviditvāsmim̐lloke juhoti yajate
tapastapyate bahūni varṣasahasrāṇyantavadevāsya tadbhavati| yo vā
etadakṣaraṃ gārgyaviditvāsmāllokātpraiti sa kṛpaṇaḥ| atha ya
etadakṣaraṃ gārgi viditvāsmāllokāt preti sa brāhmaṇaḥ
156.11
tadvā etadakṣaraṃ gāgyaṃ dṛṣṭaṃ draṣṭṛśrutaṃ śrotramataṃ mantravijñātaṃ vijñātṛ| nānyadato'sti draṣṭṛ nānyadato'sti śrotṛ nānyadato'sti mantṛ nānyadato'sti vijñātṛ| etasmin khalvakṣare gārgyākāśa śrotaśca protaśceti
156.12
sā hovāca brahmaṇā bhagavantastadeva bahu manyedhvaṃ yadasmānnamaskāreṇa mucyedhvaṃ na vai jātu yuṣmākamimaṃ kaścid brahmodyaṃ jeteti tato ha vācaknyupararāma
Linked texts (7)
- Īśādiviṃśottaraśatopaniṣadaḥ — Sanskrit
- Kāṇva — Sanskrit
- Īśādyupaniṣadaḥ — Sanskrit
- Vājasaneyi bṛhadāraṇyaka — Sanskrit
- Bṛhadāraṇyaka — Sanskrit
- Viṣayavākyadīpikā — Raṅgarāmānuja Muni 1550, Sanskrit
- Vedāntaviṣayavākyadīpikā — Raṅgarāmānuja Muni, Sanskrit