[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 161 # Different Upanishads 161 Different Upaniṣads 161 - **Language:** Sanskrit ### [161.1](https://indike.org/pramana/in.veda.upanisad.mukhya.differentupanisads.161.1) atha ha yājñavalkyasya dve bhārye babhūvaturmaitreyī ca kātyāyanī ca| tayorhaṃ maitreyī brahmavādinā babhūva strīprajñaiva tarhi kātyāyanī| atha ha yājñavalkyo'nyad vṛttamupākariṣyan ### [161.2](https://indike.org/pramana/in.veda.upanisad.mukhya.differentupanisads.161.2) maitreyīti hovāca yājñavalkyaḥ pravrajiṣyan vā are'hamasmāt sthānādasmi hanta te'nayā kātyāyanyā'ntaṃ karavāṇīti ### [161.3](https://indike.org/pramana/in.veda.upanisad.mukhya.differentupanisads.161.3) sā hovāca maitreyī yannu ma iyaṃ bhagoḥ sarvā pṛthivī vittena pūrṇā syāt syāṃ nvahaṃ tenāmṛtā''hho 3| neti neti hovāca yājñavalkyo yathaivopakaraṇavatāṃ jīvitaṃ tathaiva te jīvitam̐ syādamṛtatvasya tu nā''śā'sti vitteneti ### [161.4](https://indike.org/pramana/in.veda.upanisad.mukhya.differentupanisads.161.4) sā hovāca maitreyī yenāhaṃ nāmṛtā syāṃ kimahaṃ tena kuryāṃ yadeva bhagavānveda tadeva me brūhīti ### [161.5](https://indike.org/pramana/in.veda.upanisad.mukhya.differentupanisads.161.5) sa hovāca yājñavalkyaḥ priyā vai khalu no bhavatī satī priyamavṛdhaddhanta tarhi bhavatyetadyākhyāsyāmi te vyācakṣāṇasya tu me nididhyāssveti ### [161.6](https://indike.org/pramana/in.veda.upanisad.mukhya.differentupanisads.161.6) sa hovāca na vā are patyuḥ kāmāya patiḥ priyo bhavati| ātmanastu kāmāya patiḥ priyo bhavati| na vā are jāyāyai kāmāya jāyā priyā bhavati| ātmanastu kāmāya jāyā priyā bhavati| na vā are putrāṇāṃ kāmāya putrāḥ priyā bhavanti| ātmanastu kāmāya putrāḥ priyā bhavanti| na vā are vittasya kāmāya vittaṃ priyaṃ bhavati| ātmanastu kāmāya vittaṃ priyaṃ bhavati| na vā are paśūnāṃ kāmāya paśavaḥ priyā bhavanti| ātmanastu kāmāya paśavaḥ priyā bhavanti| na vā are brahmaṇaḥ kāmāya brahma priyaṃ bhavati | ātmanastu kāmāya brahma priyaṃ bhavati | na vā are kṣatrasya kāmāya kṣatraṃ priyaṃ bhavati | ātmanastu kāmāya kṣaḥ priyaṃ bhavati | na vā are lokānāṃ kāmāya lokāḥ priyā bhavanti | ātmanastu kāmāya lokāḥ priyā bhavanti | na vā are devānāṃ kāmāya devāḥ priyā bhavanti | ātmanastu kāmāya devāḥ priyā bhavanti | na vā are vedānāṃ kāmāya vedāḥ priyā bhavanti | ātmastu kāmāya vedāḥ priyā bhavanti | na vā are bhūtānāṃ kāmāya bhūtāni priyāṇi bhavanti | ātmanastu kāmāya bhūtāni priyāṇi bhavanti | na vā are sarvasya kāmāya sarvaṃ priyaṃ bhavanti | ātmanastu kāmāya sarvaṃ priyaṃ bhavati ātmā vā are draṣṭavyaḥ śrotavyo mantavyo nididhyāsitavyaḥ maitreyyātmani khalvare dṛṣṭe śrute mate vijñāta idaṃ sarvaṃ viditam ### [161.7](https://indike.org/pramana/in.veda.upanisad.mukhya.differentupanisads.161.7) brahma taṃ parādyo'nyatrātmano brahma veda kṣatraṃ taṃ parādyo'nyatrā''tmanaḥ kṣatraṃ veda | lokāstaṃ parāduryo'nyatrātmano lokān veda | devāstaṃ parāduyo'nyatrātmano devān veda | vedāstaṃ parāduryo'nyatrā''tmano vedān veda bhūtāni taṃ parādryo'nyatrā''tmano bhūtāni veda | sarvaṃ taṃ parādyo'nyatrātmanaḥ sarvaṃ veda | idaṃ brahmedaṃ kṣatramime lokā ime devā ime vedā imāni bhūtānīdam̐ sarvaṃ yadayamātmā ### [161.8](https://indike.org/pramana/in.veda.upanisad.mukhya.differentupanisads.161.8) sa yathā dundubherhanyamānasya na bāhyāñchabdāñchaknuyād grahaṇāya dundubhestu grahaṇena dundubhyāghātasya vā śabdo gṛhītaḥ ### [161.9](https://indike.org/pramana/in.veda.upanisad.mukhya.differentupanisads.161.9) sa yathā śaṅkhasya dhmāyamānasya na bāhyāñchabdāñchaknuyād grahaṇāya śaṅkhasya tu grahaṇena śaṅkhadhmasya vā śabdo gṛhītaḥ ### [161.11](https://indike.org/pramana/in.veda.upanisad.mukhya.differentupanisads.161.11) sa yathā vīṇāyai vādyamānāyai na sa yathā''rdraidhāgnerabhyāhitasya pṛthagdhūmā viniścarantyevaṃ vā are'sya mahato bhūtasya niḥśvasitametadyadṛgvedo yajurvedaḥ sāmavedo'tharvāṅgirasa itihāsaḥ purāṇaṃ vidyā upaniṣadaḥ ślokāḥ sūtrāṇyanuvyākhyānāni vyākhyānānīṣṭaṃ hutamāśitaṃ pāyitamayaṃ ca lokaḥ paraśca lokaḥ sarvāṇi ca bhūtānyasyaivaitāni sarvāṇi niḥśvasitāni ### [161.12](https://indike.org/pramana/in.veda.upanisad.mukhya.differentupanisads.161.12) sa yathā sarvāsāmapāṃ samudra ekāyanameva sarveṣāṃ sparśānāṃ tvagekāyanameva sarveṣāṃ gandhānāṃ nāsike ekāyanameva sarveṣāṃ rasānāṃ jihvaikāyanameva sarveṣāṃ rūpāṇāṃ cakṣurekāyanameva sarveṣāṃ śabdānāṃ śrotramekāyanameva sarveṣāṃ saṅkalpānāṃ mana ekāyanameva sarvāsāṃ vidyānāṃ hṛdayamekāyanameva sarveṣāṃ karmaṇāṃ hastāvekāyanameva sarveṣāmānandānāmupastha ekāyanameva sarveṣāṃ visargāṇāṃ pāyurekāyanameva sarveṣāmadhvanāṃ pādāvekāyanameva sarveṣāṃ vedānāṃ vāgekāyanam ### [161.13](https://indike.org/pramana/in.veda.upanisad.mukhya.differentupanisads.161.13) sa yathā saindhavaghano'ntaro'bāhyaḥ kṛtsno rasaghana evaivaṃ vā are'yamātmā'nantaro'bāhyaḥ kṛtsnaḥ prajñānaghana evaitebhyo bhūtebhyaḥ samutthāya tānyevānuvinaśyati na pretyasaṃjñā'stītyare bravīmīti hovāca yājñavalkyaḥ ### [161.14](https://indike.org/pramana/in.veda.upanisad.mukhya.differentupanisads.161.14) sā hovāca maitreyyatraiva mā bhagavān mohāntamāpīpipanna vā ahamimaṃ vijānāmīti | sa hovāca na vā are'haṃ mohaṃ bravīmyavināśī vā are'yamātmā'nucchittidharmā ### [161.15](https://indike.org/pramana/in.veda.upanisad.mukhya.differentupanisads.161.15) yatra hi dvaitamiva bhavati taditara itaraṃ paśyati taditara itaraṃ jighrati taditara itaraṃ, rasayate taditara itaramabhivadati taditara itaraṃ, śṛṇoti taditara itaraṃ manute taditara itaraṃ, spṛśati taditara itaraṃ vijānāti | yatra tvasya sarvamātmaivābhūttatkena kaṃ paśyet tatkena kaṃ jighret tatkena kaṃ, rasayet tatkena kamabhivadet tatkena kaṃ, śṛṇuyāt tatkena kaṃ manvīta tatkena kaṃ, spṛśet tatkena kaṃ vijānīyāt | yenedaṃ sarvaṃ vijānāti taṃ kena vijānīyāt | sa eṣa neti netyātmā'gṛhyo na hi gṛhyate'śīryo na hi śīryate'saṅgo na hi sajyate'sito na vyathate na riṣyati | vijñātāramare kena vijānīyādityuktānuśāsanārsi maitreyyetāvadare khalvamṛtatvamiti hoktvā yājñavalkyo vijahāra ## Linked texts (4) - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.38_1602) — Sanskrit - [Kāṇva](https://indike.org/pramana/in.veda.upanisad.mukhya.brhadaranyaka*kanva.4.5.5) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.228.5) — Sanskrit - [Upaniṣads](https://indike.org/pramana/in.veda.upanisad.mukhya.upanisads.222.5) — Sanskrit --- Source: [https://indike.org/pramana/in.veda.upanisad.mukhya.differentupanisads.161](https://indike.org/pramana/in.veda.upanisad.mukhya.differentupanisads.161) · Pramāṇa