Different Upanishads 165
Different Upaniṣads 165
- Language
- Sanskrit
Contents
- 165.1-3 — 2 parts
165.1
āpa evedamagra āsustā āpaḥ satyamasṛjanta satyaṃ brahma prajāpatiṃ
prajāpatirdevām̐ste devāḥ satyamevopāsate | tadetattryakṣaram̐ satyamiti
sa ityekamakṣaram | tītyekamakṣaram | yamityekamakṣaram | prathamottame
akṣare satyaṃ madhyato'nṛtam | tadetadanṛtamubhayataḥ satyena parigṛhītam̐ satyabhūyametra bhavati | naivaṃ vidvām̐ samanṛtam̐ hinasti
165.2
tadyattatsatyamasau sa ādityo ya eṣa etasminmaṇḍale puruṣo
yaścāyaṃ dakṣiṇe'kṣanpuruṣaḥ | tāvetāvanyonyasminpratiṣṭhitau raśmibhireṣo'smin pratiṣṭhitaḥ prāṇairayamamuṣmin | sa yadotkramiṣyanbhavati
śuddhamevaitanmaṇḍalaṃ paśyati| nainamete raśmayaḥ pratyāyanti
165.3
ya eṣa etasminmaṇḍale puruṣastasya bhūriti śira ekaṃ śira
ekametadakṣaram| bhuva iti bāhū dvau bāhū dve ete akṣare| svariti
pratiṣṭhā dve pratiṣṭhe dve ete akṣare| tasyopaniṣadahariti hanti
pāpmānaṃ jahāti ca ya evaṃ veda
165.4
yo'yaṃ dakṣiṇe'kṣan puruṣastasya bhūriti śira ekaṃ | śira ekametadakṣaram | bhuva iti bāhū dvau bāhū dve ete akṣare | sva-ritipratiṣṭhā dve pratiṣṭhe dve ete akṣare | tasyopaniṣadahamiti hanti pāpmānaṃ jahāti ca ya evaṃ veda
165.1-2
manomayo'yaṃ puruṣo bhāḥ satyastasminnantarhṛdaye yathā vrīhirvā yavo vā sa eṣa sarvasyeśānaḥ sarvasyādhipatiḥ sarvamidaṃ praśāsti yadidaṃ kiñca
165.1-3
vidyudbrahmetyāhuḥ | vidānādvidyud vidyatyenaṃ pāpmano ya evaṃ veda vidyudbrahmeti vidyuddhyeva brahmaḥ
165.1-3.p1
vidyudbrahmetyāhurbrahmaṇaḥ
165.1-3.p2
iti pañcamādhyāye saptamaṃ brāhmaṇam || 7