Different Upanishads 168
Different Upaniṣads 168
- Language
- Sanskrit
Contents
- 168.4 — 1 part
168.1
annaṃ brahmetyeka āhustanna tathā pūyati vā annamṛte prāṇāt
prāṇo brahmetyeka āhustanna tathā śuṣyati vai prāṇa ṛte'nnāt
ete ha tveva devate ekadhābhūyaṃ bhūtvā paramatāṃ gacchataḥ
taddhasmā''ha prātṛdaḥ pitaraṃ kiṃsvidevaivaṃ viduṣe sādhu kuryāṃ
kimevāsmā asādhu kuryāmiti| sa ha smā''ha pāṇinā
mā prātṛda kastvenayorekadhābhūyaṃ bhūtvā paramatāṃ gacchatīti
tasmā u haitaduvāca vīti annaṃ vai vi anne mahīmāni sarvāṇi
bhūtāni viṣṭāni| ramiti prāṇo vai ram| prāṇe hīmāni
sarvāṇi bhūtāni ramante sarvāṇi ha vā asmin bhūtāni
viśanti sarvāṇi bhūtāni ramante ya evaṃ veda
168.1-2
ukthaṃ prāṇo vā ukthaṃ hīdam̐ sarvamutthāpayati
u dvāsmādukthavid vīrastiṣṭhati ukthasya
sāyujyam̐ salokatāṃ jayati ya evaṃ veda
168.2
yajuḥ prāṇo vai yajuḥ| prāṇe hīmāni sarvāṇi bhūtāni
yujyante| yujyante hāsmai sarvāṇi bhūtāni śraiṣṭhyāya yajuṣaḥ
sāyujyam̐ salokatāṃ jayati ya evaṃ veda
168.3
sāma prāṇo vai sāma| prāṇe hīmāni sarvāṇi bhūtāni
samyañci| samyañci hāsmai sarvāṇi bhūtāni śraiṣṭhyāya kalpante
sāmnaḥ sāyujyam̐ salokatāṃ jayati ya evaṃ veda
168.4
kṣatraṃ prāṇo vai kṣatram prāṇo hi vai kṣatraṃ trāyate hainaṃ prāṇaḥ
kṣaṇitoḥ| prakṣatramatramāpnoti kṣatrasya sāyujyam̐ salokatāṃ
jayati ya evaṃ veda
168.4.p1
iti pañcamādhyāye trayodaśaṃ brāhmaṇam || 13
Linked texts (10)
- Mādhyandina — Sanskrit
- Kāṇva — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Śatapathabrāhmaṇa or Bṛhadāraṇyakabrāhmaṇa — Sanskrit
- Vedāntasamanvaya — Gurugovinda Rāya, Sanskrit
- Vājasaneyi bṛhadāraṇyaka — Sanskrit
- Bṛhadāraṇyaka — Sanskrit