[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 16 # Different Upanishads 16: atha ṣaṣṭhaḥ praśnaḥ Different Upaniṣads 16 - **Language:** Sanskrit ### atha ṣaṣṭhaḥ praśnaḥ ### [16.1](https://indike.org/pramana/in.veda.upanisad.mukhya.differentupanisads.16.1) atha hainaṃ sukeśā bhāradvājaḥ papraccha| bhagavan hiraṇyanābhaḥ kauśalyo rājaputro māmupetyaitaṃ praśnamapṛcchata| ṣoḍaśakalaṃ bhāradvāja puruṣaṃ vettha| tamahaṃ kumāramabruvam| nāhamimaṃ veda yadyahamimamavediṣaṃ kathaṃ te nāvakṣyamiti| samūlo vā eṣa pariśuṣyati yo'nṛtamabhivadati| tasmānnārhāmyanṛtaṃ vaktum| sa tūṣṇīṃ rathamāruhya pravavrāja taṃ tvā pṛcchāmi kāso puruṣa iti ### [16.1-2](https://indike.org/pramana/in.veda.upanisad.mukhya.differentupanisads.16.1-2) nārhāmi ahaṃ yogyo na bhavāmi| evaṃ madvākyaṃ śrutvā saḥ rājaputraḥ tūṣṇīṃ sādhvasādhu veti vacanamanuktvaiva rathaṃ svayānam āruhya ārūḍho bhūtvā pradakṣāja svanagaraṃ prati śīghrameva jagāma| taṃ rājaputreṇa pṛṣṭaṃ ṣoḍaśakalaṃ puruṣaṃ tvā tvāṃ pippalādaṃ prati pṛcchāmi ahaṃ pṛṣṭavānasmi ka kutra pradeśe asau ṣoḍaśakalaḥ puruṣaḥ puruṣaśabdābhidheyaḥ| iti evaṃ pṛṣṭavate ### [16.2](https://indike.org/pramana/in.veda.upanisad.mukhya.differentupanisads.16.2) tasmai sa hovāca ihaivāntaḥśarīre somya sa puruṣo yasminnetāḥ ṣoḍaśakalāḥ prabhavantīti ### [16.3](https://indike.org/pramana/in.veda.upanisad.mukhya.differentupanisads.16.3) sa īkṣāñcakre| kasminnahamutakrānta utkrānto bhaviṣyāmi| kasmin vā pratiṣṭhite pratiṣṭhāsyāmīti ### [16.4](https://indike.org/pramana/in.veda.upanisad.mukhya.differentupanisads.16.4) sa prāṇamasṛjata prāṇācchraddhāṃ khaṃ vāyurjyotirāpaḥ pṛthivīndriyam| mano'nnaṃ śrannādvīryaṃ tapo mantrāḥ karma lokālokeṣu ca nāma ca ### [16.5](https://indike.org/pramana/in.veda.upanisad.mukhya.differentupanisads.16.5) sa yathemā nadyaḥ syandamānāḥ samudrāyaṇāḥ samudraṃ prāpyāstaṃ gacchanti bhidyete tāsāṃ nāmarūpe samudra ityevaṃ procyate | evamevāsya paridraṣṭurimāḥ ṣoḍaśakalāḥ puruṣāyaṇāḥ puruṣaṃ prāpyāstaṃ gacchanti bhidyete tāsāṃ nāmarūpe puruṣa ityevaṃ procyate | sa eṣo'kalo'mṛto bhavati, tadeṣa ślokaḥ ### [16.6](https://indike.org/pramana/in.veda.upanisad.mukhya.differentupanisads.16.6) arā iva rathanābhau kalā yasmin pratiṣṭhitāḥ taṃ vedyaṃ puruṣaṃ vedayathā mā vo mṛtyuḥ parivyathā iti ### [16.7](https://indike.org/pramana/in.veda.upanisad.mukhya.differentupanisads.16.7) tān hovācaitāvadevāhametatparaṃ brahma veda na taḥ paramastīti ### [16.8](https://indike.org/pramana/in.veda.upanisad.mukhya.differentupanisads.16.8) te tamarcayantastvaṃ hi naḥ pitā yo'smākamavidyāyāḥ paraṃ pāraṃ tārayasīti| namaḥ paramarṣibhyo namaḥ paramarṣibhyaḥ ## Linked texts (10) - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_248) — Sanskrit - [Praśnopaniṣad](https://indike.org/pramana/in.veda.upanisad.mukhya.prasna.6.p5) — Pippalāda, Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.18.1) — Sanskrit - [Mantrapuṣpa](https://indike.org/pramana/in.veda.svadhyaya.santi.mantrapuspa.80.1) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.22.1) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.17.1) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.16.1) — Sanskrit - [Daśopaniṣad](https://indike.org/pramana/in.veda.upanisad.mukhya.dasopanisad.15.1) — Sanskrit - [Upaniṣads Īśa to Aitareya](https://indike.org/pramana/in.veda.upanisad.mukhya.upanisadsisatoaitareya.13.1) — Sanskrit - [Upaniṣads](https://indike.org/pramana/in.veda.upanisad.mukhya.upanisads.14.1) — Sanskrit --- Source: [https://indike.org/pramana/in.veda.upanisad.mukhya.differentupanisads.16](https://indike.org/pramana/in.veda.upanisad.mukhya.differentupanisads.16) · Pramāṇa