Different Upanishads 177

Different Upaniṣads 177

Language: Sanskrit

177.1

oṃ| athāśvalāyano bhagavantaṃ parameṣṭhinaṃ parisametyovāca

177.2

adhīhi bhagavo brahmavidyāṃ variṣṭhāṃ sadā sadbhiḥ sevyamānāṃ
nigūḍhām| yayā 'cirāt sarvapāpaṃ vyapohya parātparaṃ puruṣaṃ
yāti vidvān

177.2-2

upaiti prāpnoti vidvānahameva so'smīti sākṣātkāravān

177.3

tasmai sa hovāca pitāmahaśca śraddhābhaktidhyānayogādavehi

177.4

na karmaṇā na prajayā dhanena tyāgenaike amṛtatvamānaśuḥ

177.5

pareṇa nākaṃ nihitaṃ guhāyāṃ vibhrājate yadyatayo viśanti

177.6

te brahmalokeṣu parāntakāle
parāmṛtātparimucyanti sarve

177.7

viviktadeśe ca sukhāsanasthaḥ
śuciḥ samagrīvaśiraḥśarīraḥ
atyāśramasthaḥ sakalendriyāṇi
nirudhya bhaktyā svaguruṃ praṇamya

177.8

hṛtpuṇḍarīkaṃ virajaṃ viśuddhaṃ
vicintya madhye viśadaṃ viśokam
acintyamavyaktamanantarūpaṃ
śivaṃ praśāntamamṛtaṃ brahmayonim

177.6-2

tamādimadhyāntavihīnamekaṃ
vibhuṃ cidānandamarūpamadbhutam
umāsahāyaṃ parameśvaraṃ prabhuṃ
trilocanaṃ nīlakaṇṭhaṃ praśāntam

yuvatīrūpatvena vā yasya sa umāsahāyaḥ tam | parameśvaramutkṛṣṭaṃ brahmādiniyantāraṃ prabhuṃ samarthaṃ trilocanaṃ trīṇi somasūryāgnyātmakāni locanāni yasya sa trilocanastaṃ nīlakaṇṭhaṃ kṛṣṇakaṇṭhaṃ praśāntaṃ prasannavadanendriyam

177.10

dhyātvā munirgacchati bhūtayoni samastasākṣiṇaṃ tamasaḥ parastāt
sa brahmā sa śivaḥ sendraḥ so'kṣaraḥ paramaḥ svarāṭ

177.11

sa eva viṣṇuḥ sa prāṇaḥ sa kālāgniḥ sa candramāḥ | sa
eva sarvaṃ yadbhūtaṃ yacca bhāvyaṃ sanātanaṃ jñātvā taṃ
mṛtyumatyeti nānyaḥ panthā vimuktaye

177.12

sarvabhūtasthamātmānaṃ sarvabhūtāni cātmani
saṃpaśyan brahma paramaṃ yāti nānyena hetunā

177.13

ātmānamaraṇiṃ kṛtvā praṇavaṃ cottarāraṇim
jñānanirmathanābhyāsātpāpāśaṃ dahati paṇḍitaḥ

177.14

sa eva māyāparimohitātmā
śarīramāsthāya karoti sarvam
sa eva jāgrat paritṛptimeti

177.15

svapne sa jīvaḥ sukhaduḥkhabhoktā
svamāyayā kalpitaviśvaloke
suṣuptikāle sakale vilīne
tamo'bhibhūtaḥ sukharūpameti

177.16

punaśca janmāntarakarmayogāt
sa eva jīvaḥ svapiti prabuddhaḥ
puratraye krīḍati yaśca jīvastatastu jātaṃ sakalaṃ vicitram

177.17

ādhāramānandamakhaṇḍabodhaṃ
yasmin layaṃ yāti puratrayaṃ ca

177.18

etasmājjāyate prāṇo manaḥ sarvendriyāṇi ca
khaṃ vāyurjyotirāpaśca pṛthivī viśvasya dhāriṇī

177.19

yatparaṃ brahma sarvātmā viśvasyāyatanaṃ mahat
sūkṣmātsūkṣmataraṃ nityaṃ tattvameva tvameva tat

177.20

jāgratsvapnasuṣuptyādiprapañcaṃ yatprakāśate
tadbrahmāhamiti jñātvā sarvabandhaiḥ pramucyate

177.21

triṣu dhāmasu yadbhogyaṃ bhoktā bhogaśca yadbhavet
tebhyo vilakṣaṇaḥ sākṣī cinmātro'haṃ sadāśivaḥ

177.22

mayyeva sakalaṃ jātaṃ mayi sarvaṃ pratiṣṭhitam
mayi sarvaṃ layaṃ yāti tad brahmādvayamasmyaham

177.23

aṇoraṇīyānahameva tadvat
mahānahaṃ viśvamidaṃ vicitram
purātano'haṃ puruṣo'hamīśo
hiraṇmayo'haṃ śivarūpamasmi

177.24

apāṇipādo'hamacintyaśaktiḥ
paśyāmyacakṣuḥ sa śṛṇomyakarṇaḥ
ahaṃ vijānāmi viviktarūpo
na cāsti vettā mama citsadāham

177.25

vedairanekairahameva vedyo vedāntakṛdvedavideva cāham

177.26

na puṇyapāpe mama nāsti nāśo
na janmadehendriyabuddhirasti
na bhūmirāpo mama vahnirasti
na cānilo me'sti na cāmbaraṃ ca

177.27

evaṃ viditvā paramātmarūpaṃ
guhāśayaṃ niṣkalamadvitīyam
samastasākṣi sadasadvihīnaṃ
prayāti śuddhaṃ paramātmarūpam

177.28