Different Upanishads 18

Different Upaniṣads 18

Language: Sanskrit

18.6-2 — 1 part

18.1

vedāntapratipādyaṃ yatparaṃ brahma sanātanam
satyaṃ jñānamanantaṃ tannamāmi kṛṣṇavigraham

18.2

yo gururhṛdayastho me'karodajñānanāśanam
vyākhyāsye muṇḍakaṃ tasmai natvā dhyāyaṃśca tadgiraḥ

18.3

śirasi tvanalaṃ dhṛtvā'dhyeyatvādadhikāribhiḥ
nāmnā muṇḍakamityuktamārthavaṇaśruteḥ śiraḥ

18.1-2

prathamamuṇḍake prathamaḥ khaṇḍaḥ
oṃ brahmā devānāṃ prathamaḥ saṃbabhūva viśvasya kartā bhuvanasya goptā | sa brahmavidyāṃ sarvavidyāpratiṣṭhā-matharvāya jyeṣṭhaputrāya prāha

18.2-2

atharvaṇe yāṃ pravadeta brahmātharvā tāṃ purovācāṅgire
brahmavidyām| sa bhāradvājāya satyavāhāya prāha,
bhāradvājo'ṅgirase parāvarām

18.3-2

śaunako ha vai mahāśālo'ṅgirasaṃ vidhivadupasannaḥ
papraccha| kasminnu bhagavo vijñāte sarvamidaṃ vijñātaṃ
bhavatīti

18.4

tasmai sa hovāca dve vidye veditavye iti ha sma
yadbrahmavido vadanti parā cāparā ca

18.5

tatrāparā ṛgvedo yajurvedaḥ sāmavedo'tharvavedaḥ
śikṣā kalpo vyākaraṇaṃ niruktaṃ chando jyotiṣamiti| atha parā yayā tadakṣaramadhigamyate

18.6

yattadadreśyamagrāhyamagotramavarṇamacakṣuḥśrotraṃ tadapāṇipādam| nityaṃ vibhuṃ sarvagataṃ susūkṣmaṃ tadavyayaṃ yadbhūtayoniṃ paripaśyanti dhīrāḥ

18.7

yathorṇanābhiḥ sṛjate gṛhṇate ca yathā pṛthivyāmoṣadhayaḥ sambhavanti | yathā sataḥ puruṣātkeśalomāni
tathā'kṣarātsambhavatīha viśvam

18.8

tapasā cīyate brahma tato'nnamabhijāyate
annātprāṇo manaḥ satyaṃ lokāḥ karmasu cāmṛtam

18.6-2

uktamevārthamanuvadannupasaṃharati—
ya: sarvajñaḥ sarvavidyasya jñānamayaṃ tapaḥ
tasmādetad brahma nāmarūpamannaṃ ca jāyate

18.6-2.p1

iti prathamamuṇḍake prathamaḥ khaṇḍaḥ || 1