[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 19 # Different Upanishads 19 Different Upaniṣads 19 - **Language:** Sanskrit ### [19.1](https://indike.org/pramana/in.veda.upanisad.mukhya.differentupanisads.19.1) atha prathamamuṇḍake dvitīyaḥ khaṇḍaḥ: tadetatsatyaṃ mantreṣu karmāṇi kavayo yānyapaśyaṃstāni tretāyāṃ bahudhā santatāni | tānyācaratha niyataṃ satyakāmā eṣa vaḥ panthāḥ sukṛtasya loke ### [19.2](https://indike.org/pramana/in.veda.upanisad.mukhya.differentupanisads.19.2) yadā lelāyate hyarciḥ samiddhe havyavāhane tadājyabhāgāvantareṇāhutīḥ pratipādayet ### [19.3](https://indike.org/pramana/in.veda.upanisad.mukhya.differentupanisads.19.3) yasyāgnihotramadarśamapaurṇamāsamacāturmāsyamanāgrayaṇamatithivarjitaṃ ca ahutamavaiśvadevamavidhinā hutamaśraddhayā hutamāsaptamāṃstasya lokānhinasti ### [19.4](https://indike.org/pramana/in.veda.upanisad.mukhya.differentupanisads.19.4) kālī karaালī ca manojavā ca sulohitā yā ca sudhūmravarṇā | visphuliṅginī viśvarucī ca devī lelāyamānā iti saptajihvāḥ ### [19.5](https://indike.org/pramana/in.veda.upanisad.mukhya.differentupanisads.19.5) eteṣu yaścarate bhrājamāneṣu yathākālaṃ cāhutayo hyādaḍhāyan | taṃ nayantyetāḥ sūryasya raśmayo yatra devānāṃ patireko'dhivāsaḥ ### [19.6](https://indike.org/pramana/in.veda.upanisad.mukhya.differentupanisads.19.6) ehyehīti tamāhutayaḥ suvarcasaḥ sūryasya raśmibhiryajamānaṃ vahanti| priyāṃ vācamabhivadantyo'rcayantya eṣa vaḥ puṇyaḥ sukṛto brahmalokaḥ ### [19.7](https://indike.org/pramana/in.veda.upanisad.mukhya.differentupanisads.19.7) plavā hyete adṛḍhā yajñarūpā aṣṭādaśoktamavaraṃ yeṣu karma| etacchreyo ye'bhinandanti mūḍhā jarāmṛtyuṃ te punarevāpi yanti ### [19.8](https://indike.org/pramana/in.veda.upanisad.mukhya.differentupanisads.19.8) avidyāyāmantare vartamānāḥ svayaṃdhīrāḥ paṇḍitaṃ manyamānāḥ| jaṃghanyamānāḥ pariyanti mūḍhā andhenaiva nīyamānā yathāndhāḥ ### [19.9](https://indike.org/pramana/in.veda.upanisad.mukhya.differentupanisads.19.9) avidyāyāṃ bahudhā vartamānā vayaṃ kṛtārthā ityabhimanyanti bālāḥ| yatkarmiṇo na pravedayanti rāgāttenāturāḥ kṣīṇalokāścyavante ### [19.10](https://indike.org/pramana/in.veda.upanisad.mukhya.differentupanisads.19.10) iṣṭāpūrtaṃ manyamānā variṣṭhaṃ nānyacchreyo vedayante pramūḍhāḥ nākasya pṛṣṭhe te sukṛte'nubhūtvemaṃ lokaṃ hīnataraṃ vā viśanti ### [19.11](https://indike.org/pramana/in.veda.upanisad.mukhya.differentupanisads.19.11) tapaḥśraddhe ye hyupavasantyaraṇye śāntā vidvāṃso bhaikṣacaryāṃ carantaḥ | sūryadvāreṇa te virajāḥ prayānti yatrāmṛtaḥ sa puruṣo hyavyayātmā ### [19.12](https://indike.org/pramana/in.veda.upanisad.mukhya.differentupanisads.19.12) parīkṣya lokānkarmacitān brāhmaṇo nirvedamāyānnāstyakṛtaḥ kṛtena | tadvijñānārthaṃ sa gurumevābhigacchet samitpāṇiḥ śrotriyaṃ brahmaniṣṭham ### [19.13](https://indike.org/pramana/in.veda.upanisad.mukhya.differentupanisads.19.13) tasmai sa vidvānupasannāya samyak praśāntacittāya śamānvitāya| yenākṣaraṃ puruṣaṃ veda satyaṃ provāca tāṃ tattvato brahmavidyām ## Linked texts (3) - [Mantrapuṣpa](https://indike.org/pramana/in.veda.svadhyaya.santi.mantrapuspa.82.5) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.19.5) — Sanskrit - [Daśopaniṣad](https://indike.org/pramana/in.veda.upanisad.mukhya.dasopanisad.17.5) — Sanskrit --- Source: [https://indike.org/pramana/in.veda.upanisad.mukhya.differentupanisads.19](https://indike.org/pramana/in.veda.upanisad.mukhya.differentupanisads.19) · Pramāṇa