[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 1 # Different Upanishads 1 Different Upaniṣads 1 - **Language:** Sanskrit ### [1.1](https://indike.org/pramana/in.veda.upanisad.mukhya.differentupanisads.1.1) oṃ pūrṇamadaḥ pūrṇamidaṃ pūrṇātpūrṇamudacyate pūrṇasya pūrṇamādāya pūrṇamevāvaśiṣyate ### [1.1-2](https://indike.org/pramana/in.veda.upanisad.mukhya.differentupanisads.1.1-2) oṃ śāntiḥ śāntiḥ śāntiḥ oṃ īśā vāsyamidaṃ sarvaṃ yatkiñca jagatyāṃ jagat tena tyaktena bhuñjīthā mā gṛdhaḥ kasya sviddhanam ### [1.2](https://indike.org/pramana/in.veda.upanisad.mukhya.differentupanisads.1.2) kurvanneveha karmāṇi jijīviṣecchataṃ samāḥ evaṃ tvayi nānyatheto'sti na karma lipyate nare ### [1.3](https://indike.org/pramana/in.veda.upanisad.mukhya.differentupanisads.1.3) asuryā nāma te lokā andhena tamasā ''vṛtāḥ tām̐ 'ste pretyābhigacchanti ye ke cātmahano janāḥ ### [1.4](https://indike.org/pramana/in.veda.upanisad.mukhya.differentupanisads.1.4) anejadekaṃ manaso javīyo nainaddevā āpnuvan pūrvamarṣat taddhāvato'nyānatyeti tiṣṭhattasminnapo mātariśvā dadhāti ### [1.5](https://indike.org/pramana/in.veda.upanisad.mukhya.differentupanisads.1.5) tadejati tannaijati taddūre tadvantike tadantarasya sarvasya tu sarvasyāsya bāhyataḥ ### [1.6](https://indike.org/pramana/in.veda.upanisad.mukhya.differentupanisads.1.6) yastu sarvāṇi bhūtānyātmanyevānupaśyati sarvabhūteṣu cātmānaṃ tato na vijugupsate ### [1.7](https://indike.org/pramana/in.veda.upanisad.mukhya.differentupanisads.1.7) yasmin sarvāṇi bhūtānyātmaivābhūdvijānataḥ tatra ko mohaḥ kaḥ śoka ekatvamanupaśyataḥ ### [1.8](https://indike.org/pramana/in.veda.upanisad.mukhya.differentupanisads.1.8) sa paryagācchukramakāyamavraṇamasnāviram̐ śuddhamapāpaviddham kavirmanīṣī paribhūḥ svayambhūryāthātathyato'rthān vyadadhācchāśvatībhyaḥ samābhyaḥ ### [1.6-2](https://indike.org/pramana/in.veda.upanisad.mukhya.differentupanisads.1.6-2) andhantamaḥ praviśanti ye'vidyāmupāsate tato bhūya iva te tamo ya u vidyāyāṃ ratāḥ ### [1.10](https://indike.org/pramana/in.veda.upanisad.mukhya.differentupanisads.1.10) anyadevāhurvidyāyā2'nyadāhuravidyayā iti śuśruma dhīrāṇāṃ ye nastadvicacakṣire ### [1.11](https://indike.org/pramana/in.veda.upanisad.mukhya.differentupanisads.1.11) vidyāñcāvidyāñca yastadvedobhayaṃ saha avidyayā mṛtyuṃ tītvā vidyayā'mṛtamaśnute ### [1.12](https://indike.org/pramana/in.veda.upanisad.mukhya.differentupanisads.1.12) andhantamaḥ praviśanti ye'sambhūtimupāsate tato bhūya iva te tamo ya u sambhūtyāṃ ratāḥ ### [1.13](https://indike.org/pramana/in.veda.upanisad.mukhya.differentupanisads.1.13) anyadevāhuḥ sambhavādanyadāhurasambhavāt iti śuśruma dhīrāṇāṃ ye nastadvicacakṣire ### [1.14](https://indike.org/pramana/in.veda.upanisad.mukhya.differentupanisads.1.14) sambhūtiñca vināśañca yastadvedobhayaṃ saha vināśena mṛtyuṃ tīrtvā sambhūtyāmṛtamaśnute ### [1.15](https://indike.org/pramana/in.veda.upanisad.mukhya.differentupanisads.1.15) hiraṇmayena pātreṇa satyasyāpihitaṃ mukham tattvaṃ pūṣannapāvṛṇu satyadharmāya dṛṣṭaye ### [1.16](https://indike.org/pramana/in.veda.upanisad.mukhya.differentupanisads.1.16) pūṣannekarṣe yama sūryaṃ prājāpatya vyūha raśmīnsamūha tejo yatte rūpaṃ kalyāṇatamaṃ tatte paśyāmi yo'sāvasau puruṣaḥ so'hamasmi ### [1.17](https://indike.org/pramana/in.veda.upanisad.mukhya.differentupanisads.1.17) vāyuranilamamṛtamathedaṃ bhasmāntaṃ śarīram oṃ krato smara kṛtaṃ smara krato smara kṛtaṃ smara ### [1.18](https://indike.org/pramana/in.veda.upanisad.mukhya.differentupanisads.1.18) agne naya supathā rāye asmānviśvāni deva vayunāni vidvān| yuyodhyasmajjuhurāṇameno bhūyiṣṭhāṃ te nama uktiṃ vidhema --- Source: [https://indike.org/pramana/in.veda.upanisad.mukhya.differentupanisads.1](https://indike.org/pramana/in.veda.upanisad.mukhya.differentupanisads.1) · Pramāṇa