Different Upanishads 20
Different Upaniṣads 20
- Language
- Sanskrit
Contents
- 20.10 — 1 part
20.1
tadetatsatyaṃ yathā sudīptāt pāvakādvisphuliṅgāḥ
sahasraśaḥ prabhavante sarūpāḥ| tathākṣarādvividhāḥ
somya bhāvāḥ prajāyante tatra caivāpi yanti
20.2
divyo hyamūrtaḥ puruṣaḥ sa bāhyābhyantaro hyajaḥ
aprāṇo hyamanāḥ śubhro hyakṣarātparataḥ paraḥ
20.3
etasmājjāyate prāṇo manaḥ sarvendriyāṇi khaṃ vāyurjyotirāpaḥ pṛthivī viśvasya dhāriṇī
20.4
agnirmūrdhā cakṣuṣī candrasūryau diśaḥ śrotre vāgvivṛtāśca
vedāḥ| vāyuḥ prāṇo hṛdayaṃ viśvamasya padbhyāṃ pṛthivī hyeṣa
sarvabhūtāntarātmā
20.5
tasmādagniḥ samidho yasya sūryaḥ somātparjanya oṣadhayaḥ
pṛthivyām| pumān retaḥ siñcati yoṣitāyāṃ bahvīḥ prajāḥ
puruṣātsaṃprasūtāḥ
20.6
tasmādyacaḥ sāmayajūṃṣi dīkṣā yajñāśca sarve kratavo
dakṣiṇāśca| saṃvatsaraśca yajamānaśca lokāḥ somo
yatra pavate yatra sūryaḥ
20.7
tasmācca devā bahudhā saṃprasūtāḥ sādhyā manuṣyāḥ
paśavo vayāṃsi| prāṇāpānau vrīhiyavau tapaśca
śraddhā satyaṃ brahmacaryaṃ vidhiśca
20.8
sapta prāṇāḥ prabhavanti tasmātsaptārciṣaḥ sapta samidhaḥ
sapta homāḥ | sapta ime lokā yeṣu caranti prāṇā
guhāśayā nihitāḥ saptasapta
20.6-2
ataḥ samudrā girayaśca sarve'smāt syandante sindhavaḥ
sarvarūpāḥ | ataśca sarvā oṣadhayo rasaśca yenaiṣa
bhūtaistiṣṭhate hyantarātmā
20.10
puruṣa evedaṃ viśvaṃ karma tapo brahma parāmṛtam| etadyo veda
nihitaṃ guhāyāṃ so'vidyāgranthi vikiratīha somya
20.10.p1
iti dvitīyamuṇḍake prathamaḥ khaṇḍaḥ || 1