[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 22 # Different Upanishads 22: atha dvitīyamuṇḍake dvitīyakhaṇḍaḥ Different Upaniṣads 22 - **Language:** Sanskrit ### atha dvitīyamuṇḍake dvitīyakhaṇḍaḥ ### [22.1](https://indike.org/pramana/in.veda.upanisad.mukhya.differentupanisads.22.1) āviḥ saṃnihitaṃ guhācaraṃ nāma mahatpadamatraitat samarpitam| ejatprāṇannimiṣacca yadetajjānatha sadasadvareṇyaṃ paraṃ vijñānādyad variṣṭhaṃ prajānām ### [22.2](https://indike.org/pramana/in.veda.upanisad.mukhya.differentupanisads.22.2) yardarcimadyadaṇubhyo'ṇu ca yasmim̐llokā nihitā lokinaśca| tadetadakṣaraṃ brahma sa prāṇastadu vāṅmanaḥ tadetatsatyaṃ tadamṛtaṃ tadveddhavyaṃ somya viddhi ### [22.3](https://indike.org/pramana/in.veda.upanisad.mukhya.differentupanisads.22.3) dhanurgṛhītvaupaniṣadaṃ mahāstraṃ śaraṃ hyupāsāniśitaṃ sandhayīta| āyamya tadbhāvagatena cetasā lakṣyaṃ tadevākṣaraṃ somya viddhi ### [22.4](https://indike.org/pramana/in.veda.upanisad.mukhya.differentupanisads.22.4) praṇavo dhanuḥ śaro hyātmā brahma tallakṣyamucyate apramattena veddhavyaṃ śaravattanmayo bhavet ### [22.5](https://indike.org/pramana/in.veda.upanisad.mukhya.differentupanisads.22.5) yasmin dyauḥ pṛthivī cāntarikṣamotaṃ manaḥ saha prāṇaiśca sarvaiḥ | tamevaikaṃ jānatha atmānamanyā vāco vimuñcatha | amṛtasyaiṣa setuḥ ### [22.6](https://indike.org/pramana/in.veda.upanisad.mukhya.differentupanisads.22.6) arā iva rathanābhau saṃhatā yatra nāḍyaḥ | sa eṣo'ntaścarate bahudhā jāyamānaḥ | omityevaṃ dhyāyatha ātmānaṃ svasti vaḥ pārāya tamasaḥ parastāt ### [22.7](https://indike.org/pramana/in.veda.upanisad.mukhya.differentupanisads.22.7) yaḥ sarvajñaḥ sarvavidyasyaiṣa mahimā bhuvi divye brahmapure hyeṣa vyomnyātmā pratiṣṭhitaḥ | manomayaḥ prāṇaśarīranetā pratiṣṭhito'nne hṛdayaṃ sannidhāya | tadvijñānena paripaśyanti dhīrā ānandarūpamamṛtaṃ yadvibhāti ### [22.8](https://indike.org/pramana/in.veda.upanisad.mukhya.differentupanisads.22.8) bhidyate hṛdayagranthiśchidyante sarvasaṃśayāḥ kṣīyante cāsya karmāṇi tasmin dṛṣṭe parāvare ### [22.6-2](https://indike.org/pramana/in.veda.upanisad.mukhya.differentupanisads.22.6-2) hiraṇmaye pare kośe virajaṃ brahma niṣkalam tacchubhraṃ jyotiṣāṃ jyotistadyadātmavido viduḥ ### [22.10](https://indike.org/pramana/in.veda.upanisad.mukhya.differentupanisads.22.10) na tatra sūryo bhāti na candratārakaṃ nemā vidyuto bhānti kuto'yamagniḥ | tameva bhāntamanubhāti sarvaṃ tasya bhāsā sarvamidaṃ vibhāti ### [22.11](https://indike.org/pramana/in.veda.upanisad.mukhya.differentupanisads.22.11) brahmaivedamamṛtaṃ purastād brahma paścād brahma dakṣiṇataścottareṇa adhaścordhvaṃ ca prasṛtaṃ brahmaivedaṃ viśvamidaṃ variṣṭham --- Source: [https://indike.org/pramana/in.veda.upanisad.mukhya.differentupanisads.22](https://indike.org/pramana/in.veda.upanisad.mukhya.differentupanisads.22) · Pramāṇa