<!-- Pramāṇa, a library of Indian primary sources · https://indike.org/pramana/in.veda.upanisad.mukhya.differentupanisads.25 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 25

# Different Upanishads 25

Different Upaniṣads 25

- **Language:** Sanskrit

### [25.1](https://indike.org/pramana/in.veda.upanisad.mukhya.differentupanisads.25.1)

oṃ ityetadakṣaramidaṃ sarvaṃ tasyopavyākhyānaṃ bhūtaṃ bhavadbhaviṣyaditi sarvamoṃkāra eva yaccānyattrikālātītaṃ tadapyoṃkāra eva

### [25.2](https://indike.org/pramana/in.veda.upanisad.mukhya.differentupanisads.25.2)

sarvaṃ hyetad brahmāyamātmā brahma so'yamātmā catuṣpāt

### [25.3](https://indike.org/pramana/in.veda.upanisad.mukhya.differentupanisads.25.3)

jāgaritasthāno bahiḥprajñaḥ saptāṅga ekonaviṃśatimukhaḥ  
sthūlabhugvaiśvānaraḥ prathamaḥ pādaḥ

### [25.4](https://indike.org/pramana/in.veda.upanisad.mukhya.differentupanisads.25.4)

svapnasthāno'ntaprajñaḥ saptāṅga ekonaviṃśatimukhaḥ  
praviviktabhuk taijaso dvitīyaḥ pādaḥ

### [25.5](https://indike.org/pramana/in.veda.upanisad.mukhya.differentupanisads.25.5)

yatra supto na kañcana kāmaṃ kāmayate na kañcana svapnaṃ paśyati  
tatsuṣuptam| suṣuptasthāna ekībhūtaḥ prajñānaghana evānandamayo  
hyānandabhuk cetomukhaḥ prājñastṛtīyaḥ pādaḥ

### [25.6](https://indike.org/pramana/in.veda.upanisad.mukhya.differentupanisads.25.6)

eṣa sarveśvara eṣa sarvajña eṣo'ntaryāmyeṣa yoniḥ  
sarvasya prabhavāpyayau hi bhūtānām

### [25.7](https://indike.org/pramana/in.veda.upanisad.mukhya.differentupanisads.25.7)

nāntaḥprajñaṃ na bahiḥprajñaṃ nobhayataḥprajñaṃ na prajñānaghanaṃ  
na prajñaṃ nāprajñam| adṛṣṭamavyavahāryamagrāhyamalakṣaṇamacintyamavyapadeśyamekātmapratyayasāraṃ prapañcopaśamaṃ śāntaṃśivamadvaitaṃ caturthaṃ manyante sa ātmā savijñeyaḥ

### [25.8](https://indike.org/pramana/in.veda.upanisad.mukhya.differentupanisads.25.8)

so'yamātmā ||adhyakṣaramoṅkāro'dhimātraṃ pādā mātrā  
mātrāśca pādā ||akāra ukāro makāra iti

### [25.9](https://indike.org/pramana/in.veda.upanisad.mukhya.differentupanisads.25.9)

jāgaritasthāno vaiśvānaro'kāraḥ prathamā mātrā''pterādimattvādvā''pnoti ha sarvān kāmānādiśca bhavati ya evaṃ veda

### [25.10](https://indike.org/pramana/in.veda.upanisad.mukhya.differentupanisads.25.10)

svapnasthānastaijasa ukāro dvitīyā mātrotkarṣādubhayatvādvotkarṣati | ha vai jñānasantati samānaśca bhavati nāsyābrahmavitkule bhavati ya evaṃ veda

### [25.11](https://indike.org/pramana/in.veda.upanisad.mukhya.differentupanisads.25.11)

suṣuptasthānaḥ prājño makārastṛtīyā mātrā miterapītervā  
minoti ha vā idaṃ sarvamapītiśca bhavati ya evaṃ veda

### [25.12](https://indike.org/pramana/in.veda.upanisad.mukhya.differentupanisads.25.12)

amātraścaturtho'vyavahāryaḥ prapañcopaśamaḥ śivo'dvaita evamoṅkāra  
ātmaiva saṃviśatyātmanā''tmānaṃ ya evaṃ veda ya evaṃ veda

## Linked texts (9)

- [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.26.8) — Sanskrit
- [Mantrapuṣpa](https://indike.org/pramana/in.veda.svadhyaya.santi.mantrapuspa.88.1) — Sanskrit
- [Upaniṣads](https://indike.org/pramana/in.veda.upanisad.mukhya.upanisads.23.8) — Sanskrit
- [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.28.8) — Sanskrit
- [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.24.8) — Sanskrit
- [Upaniṣads Īśa to Aitareya](https://indike.org/pramana/in.veda.upanisad.mukhya.upanisadsisatoaitareya.21.8-2) — Sanskrit
- [Pañcopaniṣadaḥ](https://indike.org/pramana/in.veda.upanisad.pancopanisadah.20.8) — Sanskrit
- [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.25.9) — Sanskrit
- [Daśopaniṣad](https://indike.org/pramana/in.veda.upanisad.mukhya.dasopanisad.23.8-2) — Sanskrit

---
Source: [https://indike.org/pramana/in.veda.upanisad.mukhya.differentupanisads.25](https://indike.org/pramana/in.veda.upanisad.mukhya.differentupanisads.25) · Pramāṇa
