<!-- Pramāṇa, a library of Indian primary sources · https://indike.org/pramana/in.veda.upanisad.mukhya.differentupanisads.27 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 27

# Different Upanishads 27

Different Upaniṣads 27

- **Language:** Sanskrit

### [27.1](https://indike.org/pramana/in.veda.upanisad.mukhya.differentupanisads.27.1)

yaśchandasāmṛṣabho viśvarūpaḥ | chandobhyo'dhyamṛtātsaṃbabhūva  
sa mendro medhayā spṛṇotu | amṛtasya deva dhāraṇo bhūyāsam  
śarīraṃ me vicarṣaṇam | jihvā me madhumattamā | karṇābhyāṃ  
bhūri viśruvam | brahmaṇaḥ kośo'si medhayā pihitaḥ | śrutaṃ  
me gopāya

### [27.2](https://indike.org/pramana/in.veda.upanisad.mukhya.differentupanisads.27.2)

āvahantī vitanvānā kurvāṇā cīramātmanaḥ | vāsāṃsi  
mama gāvaśca | annapāne ca sarvadā | tato me śriyamāvaha  
lomaśāṃ paśubhiḥ saha svāhā | ā māyantu brahmacāriṇaḥ  
svāhā | vi māyantu brahmacāriṇaḥ svāhā | pra māyantu  
brahmacāriṇaḥ svāhā | da māyantu brahmacāriṇaḥ svāhā  
śa māyantu brahmacāriṇaḥ svāhā

### [27.3](https://indike.org/pramana/in.veda.upanisad.mukhya.differentupanisads.27.3)

yaśo jane'sāni svāhā | śreyān vasyaso'sāni svāhā  
taṃ tvā bhaga praviśāni tvāhāṃ | sa mā bhaga praviśa svāhā  
tasmit sahasraśākhe ni bhagā'haṃ tvayi mṛje svāhā

### [27.4](https://indike.org/pramana/in.veda.upanisad.mukhya.differentupanisads.27.4)

yathā''paḥ pravatā yanti yathā māsā aharjaram | evaṃ māṃ  
brahmacāriṇaḥ dhātarāyantu sarvataḥ svāhā | prativeśo'si  
pra mā bhāhi pra mā padyasva

### [27.2-2](https://indike.org/pramana/in.veda.upanisad.mukhya.differentupanisads.27.2-2)

bhūrbhuvaḥ suvariti vā etāstisro vyāhṛtayaḥ| tāsāmu ha  
smai tāṃ caturthīṃ māhācamasyaḥ pravedayate| maha iti| tad brahma  
sa ātmā| aṅgānyanyā devatāḥ  
bhūriti vā agniḥ| bhuva iti vāyuḥ| suvarityādityaḥ  
mahaḥ iti candramāḥ| candramasā vāva sarvāṇi jyotīṃṣi mahīyante

### [27.3-2](https://indike.org/pramana/in.veda.upanisad.mukhya.differentupanisads.27.3-2)

bhūriti vā ṛcaḥ| bhuva iti sāmāni| suvariti yajūṃṣi  
mahaḥ iti brahma| brahmaṇā vāva sarve vedā mahīyante

### [27.4-2](https://indike.org/pramana/in.veda.upanisad.mukhya.differentupanisads.27.4-2)

bhūriti vai prāṇaḥ | bhuva ityapānaḥ | suvariti vyānaḥ  
mahaityannam | annena vāva sarve prāṇā sahīyante

### [27.5](https://indike.org/pramana/in.veda.upanisad.mukhya.differentupanisads.27.5)

tā vā etāścaturdhā | catasraścatasro vyāhṛtayaḥ | tā yo veda  
sa veda brahma | sarve'smai devā balimāvahanti

### [27.5-2](https://indike.org/pramana/in.veda.upanisad.mukhya.differentupanisads.27.5-2)

iti pañcamo'nuvākaḥ

## Linked texts (10)

- [Taittirīyāraṇyaka](https://indike.org/pramana/in.veda.aranyaka.taittiriya.7.5.1) — Sanskrit
- [Taittirīyopaniṣad](https://indike.org/pramana/in.veda.upanisad.mukhya.taittiriya.1.4.2) — Sanskrit
- [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.27.2-3) — Sanskrit
- [Upaniṣads](https://indike.org/pramana/in.veda.upanisad.mukhya.upanisads.24.2-3) — Sanskrit
- [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.26.2-2) — Sanskrit
- [Daśopaniṣad](https://indike.org/pramana/in.veda.upanisad.mukhya.dasopanisad.27.2-2) — Sanskrit
- [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.30.2) — Sanskrit
- [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.27.2-2) — Sanskrit
- [Vedāntasamanvaya](https://indike.org/pramana/in.darsana.vedanta.brahmasutra-works.vedantasamanvaya.26.4-2) — Gurugovinda Rāya, Sanskrit
- [Upaniṣatprakāśikā](https://indike.org/pramana/in.darsana.visistadvaita.vadakalai.rangaramanuja.upanisatprakasika.1.2-4) — Raṅgarāmānuja Muni, Sanskrit

---
Source: [https://indike.org/pramana/in.veda.upanisad.mukhya.differentupanisads.27](https://indike.org/pramana/in.veda.upanisad.mukhya.differentupanisads.27) · Pramāṇa
