[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 2 # Different Upanishads 2 Different Upaniṣads 2 - **Language:** Sanskrit ## Contents - [2.8](https://indike.org/pramana/in.veda.upanisad.mukhya.differentupanisads.2.8) — 1 part ### [2.1](https://indike.org/pramana/in.veda.upanisad.mukhya.differentupanisads.2.1) oṃ āpyāyantu mamāṅgāni vāk prāṇaścakṣuḥ śrotramatho balamindriyāṇi ca| sarvāṇi sarvaṃ brahmopaniṣadaṃ, mā'haṃ brahma nirākuryāṃ, mā mā brahma nirākarodanirākaraṇamastvanirākaraṇamastu tadātmani nirate ya upaniṣatsu dharmāste mayi santu te mayi santu oṃ śāntiḥ śāntiḥ śāntiḥ keneṣitaṃ patati preṣitaṃ manaḥ kena prāṇaḥ prathamaḥ praiti yuktaḥ keneṣitāṃ vācamimāṃ vadanti cakṣuḥ śrotraṃ ka u devo yunakti ### [2.2](https://indike.org/pramana/in.veda.upanisad.mukhya.differentupanisads.2.2) śrotrasya śrotraṃ manaso mano yadvāco ha vācaṃ sa u prāṇasya prāṇaścakṣuṣaścakṣuratimucya dhīrāḥ pretyāsmāllokādamṛtā bhavanti ### [2.3](https://indike.org/pramana/in.veda.upanisad.mukhya.differentupanisads.2.3) na tatra cakṣurgacchati na vāggacchati no mano na vidmo na vijānīmo yathaitadanuśiṣyādanyadeva tadviditādtho aviditādadhi iti śuśruma pūrveṣāṃ ye nastadvyācacakṣire ### [2.4](https://indike.org/pramana/in.veda.upanisad.mukhya.differentupanisads.2.4) yadvācānabhyuditaṃ yena vāgabhyudyate tadeva brahma tvaṃ viddhi nedaṃ yadidamupāsate ### [2.5](https://indike.org/pramana/in.veda.upanisad.mukhya.differentupanisads.2.5) rūpayā vā abhyuditaṃ idaṃtayā'prakāśitaṃ yena prasiddhena jyotiṣā vāk manmanasā na manute yenāhurmano matam tadeva brahma tvaṃ viddhi nedaṃ yadidamupāsate ### [2.6](https://indike.org/pramana/in.veda.upanisad.mukhya.differentupanisads.2.6) yaccakṣuṣā na paśyati yena cakṣūṃṣi paśyati tadeva brahma tvaṃ viddhi nedaṃ yadidamupāsate ### [2.7](https://indike.org/pramana/in.veda.upanisad.mukhya.differentupanisads.2.7) yacchrotreṇa na śṛṇoti yena śrotramidaṃ śrutam tadeva brahma tvaṃ viddhi nedaṃ yadidamupāsate ### [2.8](https://indike.org/pramana/in.veda.upanisad.mukhya.differentupanisads.2.8) yatprāṇena na prāṇiti yena prāṇaḥ prāṇīyate tadeva brahma tvaṃ viddhi nedaṃ yadidamupāsate ### [2.8.p1](https://indike.org/pramana/in.veda.upanisad.mukhya.differentupanisads.2.8.p1) iti prathamaḥ khaṇḍaḥ ||1 --- Source: [https://indike.org/pramana/in.veda.upanisad.mukhya.differentupanisads.2](https://indike.org/pramana/in.veda.upanisad.mukhya.differentupanisads.2) · Pramāṇa