[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 30 # Different Upanishads 30 Different Upaniṣads 30 - **Language:** Sanskrit ### [30.1](https://indike.org/pramana/in.veda.upanisad.mukhya.differentupanisads.30.1) vedamanūcyācāryo'ntevāsinamanuśāsti | satyaṃ vada | dharmaṃ cara svādhyāyānmā pramadaḥ| ācāryāya priyaṃ dhanamāhṛtya prajātantuṃ mā vyavacchetsīḥ| satyānna pramaditavyam| dharmānna pramaditavyam| kuśalānna pramaditavyam| bhūtyai na pramaditavyam| svādhyāyapravacanābhyāṃ na pramaditavyam| devapitṛkāryābhyāṃ na pramaditavyam ### [30.2](https://indike.org/pramana/in.veda.upanisad.mukhya.differentupanisads.30.2) mātṛdevo bhava | pitṛdevo bhava | ācāryadevo bhava | atithidevo bhava | yānyanavadyāni karmāṇi, tāni sevitavyāni | no itarāṇi | yānyasmākam̐ sucaritāni, tāni tvayopāsyāni | no itarāṇi ### [30.3](https://indike.org/pramana/in.veda.upanisad.mukhya.differentupanisads.30.3) ācāryasevāyāṃ kaścidviśeṣamupadiśati— ye ke cāsmacchreyāṃso brāhmaṇāḥ, teṣāṃ tvayā''sanena praśvasitavyam| śraddhayā deyam| aśraddhayā'deyam| śriyā deyam hriyā deyam| bhiyā deyam| saṃvidā deyam ### [30.4](https://indike.org/pramana/in.veda.upanisad.mukhya.differentupanisads.30.4) atha yadi te karmavicikitsā vā vṛttavicikitsā vā syāt ye tatra brāhmaṇāḥ saṃmarśinaḥ| yuktā ayuktāḥ| alūkṣā dharmakāmāḥ syuḥ| yathā te tatra varteran| tathā tatra vartethāḥ ### [30.5](https://indike.org/pramana/in.veda.upanisad.mukhya.differentupanisads.30.5) athābhyākhyāteṣu| ye tatra brāhmaṇāḥ saṃmarśinaḥ| yuktā āyuktāḥ alūkṣā dharmakāmāḥ syuḥ| yathā te teṣu varteran| tathā teṣu vartathāḥ ### [30.6](https://indike.org/pramana/in.veda.upanisad.mukhya.differentupanisads.30.6) eṣa ādeśaḥ| eṣa upadeśaḥ| eṣā vedopaniṣat| etadanuśāsanam| evamupāsitavyam| evamu caitadupāsyam --- Source: [https://indike.org/pramana/in.veda.upanisad.mukhya.differentupanisads.30](https://indike.org/pramana/in.veda.upanisad.mukhya.differentupanisads.30) · Pramāṇa