[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 32 # Different Upanishads 32 Different Upaniṣads 32 - **Language:** Sanskrit ### [32.1](https://indike.org/pramana/in.veda.upanisad.mukhya.differentupanisads.32.1) bhīṣā'smādvātaḥ pavate| bhīṣodeti sūryaḥ| bhīṣā'smādagniścendraśca mṛtyurdhāvati pañcama iti| saiṣā''nandasya mīmāṃsā bhavati tatra mānuṣānandamaryādāmāha— yuvā syātsādhuyuvādhyāyakaḥ| āśiṣṭho draḍhiṣṭho baliṣṭhaḥ tasyeyaṃ pṛthivī sarvā vittasya pūrṇā syāt| sa eko mānuṣa ānandaḥ ### [32.2](https://indike.org/pramana/in.veda.upanisad.mukhya.differentupanisads.32.2) te ye śataṃ mānuṣā ānandāḥ| sa eko manuṣyagandharvāṇāmānandaḥ| śrotriyasya cākāmahatasya ### [32.3](https://indike.org/pramana/in.veda.upanisad.mukhya.differentupanisads.32.3) te ye śataṃ manuṣyagandharvāṇāmānandāḥ sa eko devagandharvāṇāmānandaḥ śrotriyasya cākāmahatasya ### [32.4](https://indike.org/pramana/in.veda.upanisad.mukhya.differentupanisads.32.4) te ye śataṃ devagandharvāṇāmānandāḥ sa ekaḥ pitṝṇāṃ ciralokalokānāmānandaḥ śrotriyasya cākāmahatasya ### [32.5](https://indike.org/pramana/in.veda.upanisad.mukhya.differentupanisads.32.5) te ye śataṃ pitṝṇāṃ ciralokalokānāmānandaḥ sa eka ājānajānāṃ devānāmānandaḥ śrotriyasya cākāmahatasya ### [32.6](https://indike.org/pramana/in.veda.upanisad.mukhya.differentupanisads.32.6) te ye śatamājānajānāṃ devānāmānandāḥ sa ekaḥ karmadevānāmānandaḥ ye karmaṇā devānapiyanti śrotriyasya cākāmahatasya ### [32.7](https://indike.org/pramana/in.veda.upanisad.mukhya.differentupanisads.32.7) te ye śataṃ karmadevānāmānandāḥ sa eko devānāmānandaḥ śrotriyasya cākāmahatasya ### [32.8](https://indike.org/pramana/in.veda.upanisad.mukhya.differentupanisads.32.8) te ye śataṃ devānāmānandāḥ sa eka indrasyānandaḥ śrotriyasya cākāmahatasya ### [32.9](https://indike.org/pramana/in.veda.upanisad.mukhya.differentupanisads.32.9) te ye śatamindrasyānandāḥ sa eko bṛhaspaterānandaḥ śrotriyasya cākāmahatasya ### [32.10](https://indike.org/pramana/in.veda.upanisad.mukhya.differentupanisads.32.10) te ye śataṃ bṛhaspaterānandāḥ sa ekaḥ prajāpaterānandaḥ śrotriyasya cākāmahatasya ### [32.11](https://indike.org/pramana/in.veda.upanisad.mukhya.differentupanisads.32.11) te ye śataṃ prajāpaterānandāḥ sa eko brahmaṇa ānandaḥ śrotriyasya cākāmahatasya ### [32.12](https://indike.org/pramana/in.veda.upanisad.mukhya.differentupanisads.32.12) sa ya evaṃvid asmāllokātpretya | etamannamayamātmānamupasaṃkrāmati | etaṃ prāṇamayamātmānamupasaṃkrāmati | etaṃ manomayamātmānamupasaṃkrāmati | etaṃ vijñānamayamātmānamupasaṃkrāmati | etamānandamayamātmānamupasaṃkrāmati | tadapyeṣa śloko bhavati ### [32.8-2](https://indike.org/pramana/in.veda.upanisad.mukhya.differentupanisads.32.8-2) iti aṣṭamo'nuvākaḥ --- Source: [https://indike.org/pramana/in.veda.upanisad.mukhya.differentupanisads.32](https://indike.org/pramana/in.veda.upanisad.mukhya.differentupanisads.32) · Pramāṇa