Different Upanishads 38
Different Upaniṣads 38
- Language
- Sanskrit
38.1
pṛthivyākāśayorannānnādaguṇatvena upāsakasya vratamāha—
na kañcana vasatau pratyācakṣīta| tadvratam| tasmādyayā kayā ca
vidhayā bahvannaṃ prāpnuyāt| arāddhacasmā annamityācakṣate
etad vai mukhato'nnaṃ rāddham| mukhato'smā anna oṃ rāddhacate
etad vai madhyato'nna oṃ rāddham| madhyato'smā anna oṃ rāddhacate
etad vai antato'nnaṃ oṃ rāddham| antato'smā annaṃ rāddhacate
38.2
kasyedaṃ phalaṃ bhavatītyata āha—
ya evaṃ veda| kṣema iti vāci| yogakṣema iti prāṇāpānayoḥ
karmeti hastayoḥ| gatiriti pādayoḥ| vimuktiriti pāyau
iti mānuṣīḥ samājñāḥ
38.3
atha daivīḥ| tṛptiriti vṛṣṭau| balamiti vidyuti| yaśa iti paśuṣu| jyotiriti nakṣatreṣu| prajātiramṛtamānanda ityupasthe
38.4
sarvamityākāśe| tatpratiṣṭhetyupāsīta| pratiṣṭhāvān bhavati
tanmahaityupāsīta| mahān bhavati| tanmana ityupāsīta
mānavān bhavati
38.5
tannama ityupāsīta| namyante'smai kāmāḥ| tad brahmetyupāsīta| brahmavān bhavati| tad brahmaṇaḥ parimara ityupāsīta| paryeṇaṃ priyante dviṣantaḥ sapatnāḥ| pari ye'priyā bhrātṛvyāḥ
38.6
sa yaścāyaṃ puruṣe| yaścāsāvāditye| sa ekaḥ| sa ya evaṃvit| asmāllokāt pretya| etamannamayamātmānamupasaṅkramya| etaṃ prāṇamayamātmānamupasaṅkramya| etaṃ manomayamātmānamupasaṅkramya
etaṃ vijñānamayamātmānamupasaṅkramya | etamānandamayamātmānamupasaṅkramya | imāṃllokān kāmānnī kāmarūpyanusaṃcaran
etat sāma gāyannāste
38.7
mā3 jhi| ahaṃ viśvaṃ bhuvanamabhyabhavāṃ 3 suvarnajyotiḥ| ya
evaṃ veda| ityupaniṣat
38.10
iti daśamo'nuvākaḥ