Different Upanishads 40

Different Upaniṣads 40

Language: Sanskrit

40.5 — 1 part

40.1

evaṃ pūrvakhaṇḍe samaṣṭīnāmindriyāṇāṃ tadabhimānidevatānāṃ ca sṛṣṭiruktā | idānīṃ tāsāṃ devatānāṃ bhogayogyālpadehasṛṣṭiṃ vyaṣṭideheṣu bhogārthaṃ devatānāṃ vyaṣṭirūpeṇa praveśaṃ ca vivakṣustadupodghātatvena kṣutpipāsayoḥ sṛṣṭiṃ darśayati—
tā etā devatāḥ sṛṣṭvā asmin mahatyarṇave prāpatam̐stamaśanāyāpipāsābhyāmanvavārjat | tā enamabruvannāyatanaṃ naḥ prajānīhi yasmin pratiṣṭhitā annamadāmeti

40.2

evamukta īśvaraḥ:—
tābhyo gāmānayattā abruvanna vai no'yamalamiti | tābhyo'śvamānayattā abruvan na vai no'yamalamiti

40.3

tābhyaḥ puruṣamānayat tā abruvan sukṛtaṃ bateti | puruṣo
vāva sukṛtam | tā abravīdyathāyatanaṃ praviśateti

40.4

agnirvāg bhūtvā mukhaṃ prāviśat | vāyuḥ prāṇo bhūtvā nāsike
prāviśadādityaścakṣurbhūtvākṣiṇī prāviśaddiśaḥ śrotraṃ bhūtvā
karṇau prāviśannoṣadhivanaspatayo lomāni bhūtvā tvacaṃ prābiśaścandramā mano bhūtvā hṛdayaṃ prāviśanmṛtyurapāno bhūtvā nābhiṃ
prāviśadāpo reto bhūtvā śiśnaṃ prāviśat

40.5

tamaśanāyāpipāse abrūtāmāvābhyāmabhipra jānīhīti
te abravīd detāsveva vāṃ devatāsvābhajāmyetāsu bhāginyau karomīti| tasmād yasyai kasyai ca devatāyai havirgṛhyate bhāginyāvevāsyāmaśanāyāpipāse bhavataḥ

40.5.p1

iti dvitīyaḥ khaṇḍaḥ || 2