Different Upanishads 43
Different Upaniṣads 43
- Language
- Sanskrit
Contents
- 43.4 — 1 part
43.1
ko'yamātmeti vayamupāsmahe| kataraḥ sa ātmā yena vā rūpaṃ paśyati yena vā śabdaṃ śṛṇoti yena vā gandhānājighrati yena vā vācaṃ vyākaroti yena vā svādu cāsvādu ca vijānāti
43.2
yadetaddhṛdayaṃ manaścaitat| saṃjñānamājñānaṃ vijñānaṃ prajñānaṃ medhā
dṛṣṭirdhṛtirmatirmanīṣā jūtiḥ smṛtiḥ saṅkalpaḥ kraturasuḥ kāmo
vaśa iti sarvāṇyevaitāni prajñānasya nāmadheyāni bhavanti
43.3
prajñānaṃ brahma
43.4
sa etena prajñenātmanāsmāllokādutkramyāmuṣmin svarge loke sarvān kāmānāptvāmṛtaḥ samabhavat ityom
43.4.p1
iti upaniṣatkrameṇa tṛtīyaḥ | āraṇyakakakrameṇa ṣaṣṭho'dhyāyaḥ