Different Upanishads 44
Different Upaniṣads 44
- Language
- Sanskrit
44.1
vāṅ me manasi pratiṣṭhitā | mano me vāci pratiṣṭhitamāvirāvīrma edhi | vedasya ma āṇīsthaḥ | śrutaṃ me mā prahāsīḥ | anenādhītenāhorātrān sandadhāmi | ṛtaṃ vadiṣyāmi | satyaṃ vadiṣyāmi | tanmāmavatu | tadvaktāramavatu | avatu māmavatu vaktāramavatu vaktāram
oṃ śāntiḥ śāntiḥ śāntiḥ
omityetadakṣaramudgīthamupāsīta omiti hyudgāyati tasyopavyākhyānam
44.2
eṣāṃ bhūtānāṃ pṛthivī rasaḥ pṛthivyā āpo raso'pa-oṣadhayo rasa oṣadhīnāṃ puruṣo rasaḥ puruṣasya vāgraso vāca ṛgrasa ṛcaḥ sāma rasaḥ sāmna udgītho rasaḥ
44.3
sa eṣa rasānāṃ rasatamaḥ paramaḥ parārdhyo'ṣṭamo yadudgīthaḥ
44.4
katamā katamark katamatkatamatsāma katamaḥ
katama udgītha iti vimṛṣṭaṃ bhavati
44.5
vāgevark prāṇaḥ sāmomityetadakṣarasugīthastadvā
etanmithunaṃ yadvāk ca prāṇaśca rk ca sāma ca
44.6
tadetanmithunamomityetasminnakṣare sa sṛjyate| yadā vai
mithunau samāgacchata prāpayato vai tāvanyonyasya kāmam
44.7
āpyitā ha vai kāmānāṃ bhavati ya etadevaṃ
vidvānakṣaramudgīthamupāste
44.8
tadvā etadanujñākṣaraṃ yaddhi kiścānujānātyomityomityeva
tadāhaiṣa eva samṛddhirdhanadanujñā samardhayitā ha vai kāmānāṃ
bhavati ya etadevaṃ vidvānakṣaramudgīthamupāste
44.6-2
teneyaṃ trayī vidyā vartaṃta omityāśrāvayatyomiti
śaṃsatyomityudgāyati| etasyaivākṣarasyāpacityai mahimnā
rasena
44.10
tenobhau kuruto yaścaitadevaṃ veda yaśca na veda| nānā tu vidyā
cāvidyā ca| yadeva vidyayā karoti śraddhayopaniṣadā tadeva
vīryavattaraṃ bhavatīti khalvetasyaivākṣarasyopavyākhyānaṃ
bhavati
Linked texts (3)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Chāndogyopaniṣad C — Rāmānuja Yatirāj, Sanskrit