Different Upanishads 51

Different Upaniṣads 51

Language: Sanskrit

51.1

trayo hodgīthe kuśalā babhūvuḥ śilakaḥ śālāvatyaścaikitāyano dālbhyaḥ pravāhaṇo jaivaliriti | te
hocurudgīthe vai kuśalāḥ smo hantodgīthe kathāṃ vadāma iti

51.2

tatheti ha samupaviviśuḥ sa ha pravāhaṇo jaivaliruvāca
bhagavantāvagre vadatāṃ brāhmaṇayorvadatorvācaṃ śroṣyāmīti

51.3

sa ha śilakaḥ śālāvatyaścaikitāyanaṃ dālbhyamuvāca
hanta tvā pṛcchānīti| pṛccheti hovāca

51.4

ityukte itaraḥ—
kā sāmno gatiriti svara iti hovāca| svarasya kā
gatiriti prāṇa iti hovāca| prāṇasya kā gatirityannamiti hovāca| annasya kā gatirityāpaḥ iti hovāca

51.5

apāṃ kā gatirityasau loka iti hovāca| amuṣya lokasya kā
gatiriti na svargaṃ lokamatinayediti hovāca| svargaṃ vayaṃ lokaṃ
sāmābhisaṃsthāpayāmaḥ| svargaṃsaṃstāvaṃ hi sāmeti

51.6

taṃ ha śilakaḥ śālāvatyaścaikitāyanaṃ dālbhyamuvāca
apratiṣṭhitaṃ vai kila te dālbhya sāma yastvetarhi brūyān mūrdhā
te vipatiṣyatīti mūrdhā te vipatediti