Different Upanishads 53
Different Upaniṣads 53
- Language
- Sanskrit
53.1
atha hainaṃ yajamāna uvāca bhagavantaṃ vā ahaṃ vividiṣāṇītyupastirasmi cākrāyaṇa iti hovāca
53.2
sa hovāca bhagavantaṃ vā ahamebhiḥ sarvairārtvijyaiḥ
paryaiṣiṣaṃ vā ahamavityānyānavṛṣi
53.3
bhagavām̐stveva me sarvairātvijyairiti tathetyatha tarhyeta
eva samatisṛṣṭāḥ stuvatāṃ yāvattebhyo dhanaṃ dadyāstāvanmama dadyā iti| tatheti ha yajamāna uvāca
53.4
atha hainaṃ prastotopasasāda prastotaryāṃ devatā prastāvamanvāyattā tāṃ cedavidvān prastoṣyasi mūrdhā te vipatiṣyatīti | mā bhagavānavocat katamā sā devateti
53.5
iti pṛṣṭa uṣastiḥ:—
prāṇa iti hovāca sarvāṇi ha vā imāni bhūtāni prāṇamevābhisaṃviśanti prāṇamabhyujjihate | saiṣā devatā prastāvamanvāyattā
tāṃ cedavidvān prāstoṣyo mūrdhā te vyapatiṣyat tathoktasya mayeti
53.6
atha haina mudgātopasasāda udgātaryā devatodgīthamanvāyattā
tāṃ cedavidvānudgāsyasi mūrdhā te vipatiṣyatīti| mā bhagavānavocat katamā sā devateti
53.7
āditya iti hovāca sarvāṇi ha vā imāni bhūtānyādityamūrdhvaḥ santaṃ gāyanti| saiṣā devatodgīthamanvāyattā tāṃ cedavidvānudgāsyo mūrdhā te vyapatiṣyat tathoktasya mayeti
53.8
atha hainaṃ pratihartopasasāda pratihartavyā devatā pratihāramanvāyattā tāṃ cedavidvān pratihariṣyasi mūrdhā te vipatiṣyatīti| mā bhagavānavocatkatamā sā devateti
53.9
annamiti hovāca| sarvāṇi ha vā imāni bhūtānyannameva pratiharamāṇāni jīvanti| saiṣā devatā pratihāramanvāyattā tāṃ cedavidvān pratyahariṣyo mūrdhā te vyapatiṣyat tathoktasya mayeti tathoktasya mayeti
Linked texts (11)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Upaniṣads — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit