Different Upanishads 59
Different Upaniṣads 59
- Language
- Sanskrit
Contents
- 59.8 — 1 part
59.1
ṛtuṣu pañcavidham̐ sāmopāsīta vasanto hiṅkāro grīṣmaḥ
prastāvo varṣā udgīthaḥ śarat pratihāro hemanto nidhanam
59.2
kalpante hāsmā ṛtava ṛtumān bhavati ya etadevaṃ
vidvānṛtuṣu pañcavidha oṃ sāmopāste
59.1-2
paśuṣu pañcavidham̐ sāmopāsīta prajā hiṅkārodgayaḥ
prastāvo gāva udgītho'śvāḥ pratihāraḥ puruṣo nidhanam
59.3
bhavanti hāsya paśavaḥ paśumān bhavati ya etadevaṃ
vidvān paśuṣu pañcavidham̐ oṃ sāmopāste
59.1-3
prāṇeṣu pañcavidhaṃ parovarīyaḥ sāmopāsīta prāṇo
hiṅkāro vāk prastāvaścakṣurudgīthaḥ śrotraṃ pratihāro
mano nidhanam | parovarīyām̐si vā etāni
59.2-2
parovarīyo hāsya bhavati parovarīyaso ha lokāñjayati
ya etadevaṃ vidvān prāṇeṣu pañcavidhaṃ parovarīyaḥ
sāmopāsta iti tu pañcavidhasya
59.1-4
atha saptavidhasya vāci saptavidham̐ sāmopāsīta
yatkiñca vāco humiti sa hiṅkāro yatpreti sa
prastāvo yadeti sa ādiḥ
59.2-3
yaduditi sa udgītho yatpratīti sa pratihāro yadupeti
sa upadravo yannīti tannidhanam
59.3-2
dugdhe'smai vāgdohaṃ yo vāco doho'nnavānannādo bhavati
ya etadevaṃ vidvān vāci saptavidham̐ sāmopāste
59.1-5
atha khalvamumādityam̐ saptavidham̐ sāmopāsīta| sarvadā samastena
sāma māṃ prati māṃ pratīti sarveṇa samastena sāma
59.2-4
tasmāt—
tasminnimāni sarvāṇi bhūtānyanvāyattānīti vidyāt
tasya yatpurodayātsahiṅkārastadaraya paśavo'nvāyattāḥ
tasmātte hiṅkurvanti hiṅkārabhājino hyetasya sāmnaḥ
59.3-3
atha yatprathamodite sa prastāvastadasya manuṣyā
anvāyattāḥ| tasmātte prastutikāmāḥ śaṃsākāmāḥ
prastāvabhājino hyetasya sāmnaḥ
59.4
atha yatsaṅgavavelāyām̐ sa ādittadasya vayām̐syanvāyattāni| tasmāttānyantarikṣe'nārambaṇānyādāyātmānaṃ
paripatantyādibhājīni hyetasya sāmnaḥ
59.5
atha yatsaṃprati madhyandine sa udgīthaḥ| tadasya devā
anvāyattāḥ| tamātte sattamāḥ prājāpatyānāmudgīthabhājino hyetasya sāmnaḥ
59.5-2
saptamāḥ prājāpatyānāṃ prajānāṃ madhye viśiṣṭatamāḥ
59.6
atha yaddhvaṃ madhyandinātprāgaparāhṇāt sa pratihāraḥ
tadasya garbhā anvāyattāḥ | tasmātte pratihitā nāvapadyante
pratihārabhājino hyetasya sāmnaḥ
59.7
atha yaddhvamaparāhṇātprāgastamayāt sa upadravaḥ | tasyāraṇyā anvāyattāḥ | tasmātto puruṣaṃ dṛṣṭvā kakṣaśmaśrumityupadravantyupadravabhājino hyetasya sāmnaḥ
59.8
atha yatprathamāstamite tannidhanam | tasya pitaro'nvāyattāḥ | tasmāttānnidadhati nidhanabhājino hyetasya
sāmna evaṃ khalvamumādityaṃ saptavidhaṃ sāmopāste
59.8.p1
iti caturthe navamaḥ khaṇḍaḥ || 6
Linked texts (12)
- Chāndogyopaniṣad — Sanskrit
- Īśādiviṃśottaraśatopaniṣadaḥ — Sanskrit
- Aṣṭottaraśatopaniṣadaḥ — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Chāndogyadīpikā — Sanskrit
- Mantrapuṣpa — Sanskrit
- Īśādidvādaśopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Vedāntasamanvaya — Gurugovinda Rāya, Sanskrit