[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 6 # Different Upanishads 6: atha dvitīyā vallī Different Upaniṣads 6 - **Language:** Sanskrit ## Contents - [6.25](https://indike.org/pramana/in.veda.upanisad.mukhya.differentupanisads.6.25) — 1 part ### atha dvitīyā vallī ### [6.1](https://indike.org/pramana/in.veda.upanisad.mukhya.differentupanisads.6.1) anyacchreyo'nyadutaiva preyaste ubhe nānārthe puruṣaṃ sinītaḥ | tayoḥ śreya ādadānasya sādhu bhavati hīyate'rthādya u preyo vṛṇīte ### [6.2](https://indike.org/pramana/in.veda.upanisad.mukhya.differentupanisads.6.2) śreyaśca preyaśca manuṣyametastau samparītya vivinakti dhīraḥ | śreyo hi dhīro'bhipreyaso vṛṇīte preyo mando yogakṣemādvṛṇīte ### [6.3](https://indike.org/pramana/in.veda.upanisad.mukhya.differentupanisads.6.3) sa tvaṃ priyānpriyarūpām̐śca kāmānabhidhyāyanciketo'tyasrākṣīḥ | naitām̐sṛṅkāṃ vittamayīmavāpto yasyāṃ majjanti bahavo manuṣyāḥ ### [6.4](https://indike.org/pramana/in.veda.upanisad.mukhya.differentupanisads.6.4) dūramete viparīte viṣūcī avidyā yā ca vidyeti jñātā | vidyābhīpsinaṃ naciketasaṃ manye na tvā kāmā bahavo'lolupantaḥ ### [6.5](https://indike.org/pramana/in.veda.upanisad.mukhya.differentupanisads.6.5) avidyāyāmantare vartamānāḥ svayaṃ dhīrāḥ paṇḍitaṃmanyamānāḥ | dandramyamāṇāḥ pariyanti mūḍhā andhenaiva nīyamānā yathāndhāḥ ### [6.6](https://indike.org/pramana/in.veda.upanisad.mukhya.differentupanisads.6.6) na sāmparāyaḥ pratibhāti bālaṃ pramādyantaṃ vittamohena mūḍham | ayaṃ loko nāsti para iti mānī punaḥ punarvaśamāpadyate me ### [6.7](https://indike.org/pramana/in.veda.upanisad.mukhya.differentupanisads.6.7) śravaṇāyāpi bahubhiryo na labhyaḥ śṛṇvanto'pi bahavo yaṃ na vidyuḥ| āścaryo vaktā kuśalo'sya labdhāścaryo jñātā kuśalā'nuśiṣṭaḥ ### [6.8](https://indike.org/pramana/in.veda.upanisad.mukhya.differentupanisads.6.8) na nareṇāvareṇa prokta eṣa suvijñeyo bahudhā cintyamānaḥ| ananyaprokte gatiratra nāstyaṇīyānhyatarkyamaṇupramāṇāt ### [6.6-2](https://indike.org/pramana/in.veda.upanisad.mukhya.differentupanisads.6.6-2) naiṣā tarkeṇa matirāpaneyā proktānyenaiva sujñānāya preṣṭha| yāṃ tvamāpaḥ satyadhṛtirbatāsi tvādṛg no bhūyānnaciketaḥ praṣṭā ### [6.10](https://indike.org/pramana/in.veda.upanisad.mukhya.differentupanisads.6.10) jānāmyahaṃ śevadhirityanityaṃ na hyadhruvaiḥ prāpyate hi dhruvaṃ tat | tato mayā naciketaścito'gnirnaranityairdravyaiḥ prāpavānasmi nityam ### [6.11](https://indike.org/pramana/in.veda.upanisad.mukhya.differentupanisads.6.11) kāmasyāptiṃ jagataḥ pratiṣṭhāṃ kratoranantyamabhayasya pāram | stomaṃ mahadurugāyaṃ pratiṣṭhāṃ dṛṣṭvā dhṛtyā dhīro naciketo'tyasrākṣīḥ ### [6.12](https://indike.org/pramana/in.veda.upanisad.mukhya.differentupanisads.6.12) taṃ durdarśaṃ gūḍhamanupraviṣṭaṃ guhāhitaṃ gahvareṣṭhaṃ purāṇam | adhyātmayogādhigamena devaṃ matvā dhīro harṣaśokau jahāti ### [6.13](https://indike.org/pramana/in.veda.upanisad.mukhya.differentupanisads.6.13) etacchrutvā saṃparigṛhya martyaḥ pravṛhya dharmyamaṇumetamāpya | sa modate modanīyaṃ hi labdhvā vivṛtaṃ sadma naciketasaṃ manye ### [6.14](https://indike.org/pramana/in.veda.upanisad.mukhya.differentupanisads.6.14) anyatra dharmādanyatrādharmādanyatrāsmātkṛtākṛtāt anyatra bhūtācca bhavyācca yattatpaśyasi tadvada ### [6.15](https://indike.org/pramana/in.veda.upanisad.mukhya.differentupanisads.6.15) sarve vedā yatpadamāmananti tapām̐si sarvāṇi ca yadvadanti | yadicchanto brahmacaryaṃ caranti tatte padam̐ saṃgraheṇa bravīmyomityetat ### [6.16](https://indike.org/pramana/in.veda.upanisad.mukhya.differentupanisads.6.16) etadghyevākṣaraṃ brahma etadghyevākṣaraṃ param etadghyevākṣaraṃ jñātvā yo yadicchati tasya tat ### [6.17](https://indike.org/pramana/in.veda.upanisad.mukhya.differentupanisads.6.17) etadālambanam̐ śreṣṭhametadālambanamparam etadālambanaṃ jñātvā brahmaloke mahīyate ### [6.18](https://indike.org/pramana/in.veda.upanisad.mukhya.differentupanisads.6.18) na jāyate mriyate vā vipaścinnāyaṃ kutaścinna babhūva kaścit| ajo nityaḥ śāśvato'yaṃ purāṇo na hanyate hanyamāne śarīre ### [6.19](https://indike.org/pramana/in.veda.upanisad.mukhya.differentupanisads.6.19) hantā cenmanyate hantuṃ hataścenmanyate hatam ubhau tau na vijānīto nāyaṃ hanti na hanyate ### [6.20](https://indike.org/pramana/in.veda.upanisad.mukhya.differentupanisads.6.20) aṇoraṇīyānmahato mahīyānātmāsya jantoḥ nihito guhāyām | tamakratuḥ paśyati vītaśoko dhātuprasādānmahimānamātmanaḥ ### [6.21](https://indike.org/pramana/in.veda.upanisad.mukhya.differentupanisads.6.21) āsīno dūraṃ vrajati śayāno yāti sarvataḥ kastaṃ madāmadaṃ devaṃ madanyo jñātumarhati ### [6.22](https://indike.org/pramana/in.veda.upanisad.mukhya.differentupanisads.6.22) aśarīraṃ śarīreṣvanavastheṣvavasthitam mahāntaṃ vibhumātmānaṃ matvā dhīro na śocati ### [6.24](https://indike.org/pramana/in.veda.upanisad.mukhya.differentupanisads.6.24) nāyamātmā pravacanena labhyo na medhayā na bahunā śrutena| yamevaiṣa vṛṇute tena labhyastasyaiṣa ātmā vivṛṇute tanūṃ svām nāvirato duścaritānnāśānto nāsamāhitaḥ nāśāntamānaso vāpi prajñānainamāpnuyāt ### [6.25](https://indike.org/pramana/in.veda.upanisad.mukhya.differentupanisads.6.25) yasya brahma ca kṣatrañca ubhe bhavata odanaḥ mṛtyuryasyopasecanaṃ ka itthā veda yatra saḥ ### [6.25.p1](https://indike.org/pramana/in.veda.upanisad.mukhya.differentupanisads.6.25.p1) iti prathame'dhyāye dvitīyā vallī || 2 ## Linked texts (11) - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_73) — Sanskrit - [Kaṭhopaniṣad](https://indike.org/pramana/in.veda.upanisad.mukhya.katha.2.1) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.9.1) — Sanskrit - [Upaniṣads](https://indike.org/pramana/in.veda.upanisad.mukhya.upanisads.5.1) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.7.1) — Sanskrit - [Mantrapuṣpa](https://indike.org/pramana/in.veda.svadhyaya.santi.mantrapuspa.70.3) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.4.1) — Sanskrit - [Daśopaniṣad](https://indike.org/pramana/in.veda.upanisad.mukhya.dasopanisad.5.3-2) — Sanskrit - [Pañcopaniṣadaḥ](https://indike.org/pramana/in.veda.upanisad.pancopanisadah.9.1) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.11.5) — Sanskrit - [Upaniṣads Īśa to Aitareya](https://indike.org/pramana/in.veda.upanisad.mukhya.upanisadsisatoaitareya.5.3) — Sanskrit --- Source: [https://indike.org/pramana/in.veda.upanisad.mukhya.differentupanisads.6](https://indike.org/pramana/in.veda.upanisad.mukhya.differentupanisads.6) · Pramāṇa