Pramāṇa · Search · About · API

Different Upanishads 70

Different Upaniṣads 70

Language
Sanskrit

Contents

70.1

trayo dharmaskandhā yajño'dhyayanaṃ dānamiti prathamastapa
eva| dvitīyo brahmacāryācāryakulavāsī| tṛtīyo'tyantamātmānamācāryakule'vasādayan| sarve ete
puṇyalokā bhavanti| brahmasaṃstho'mṛtatvameti

70.3

tānyabhyatapat| tebhyo'bhitaptebhya oṃkāraḥ saṃprāsravat| tadyathā śaṅkunā sarvāṇi parṇāni santṛṇṇānyevamoṅkāreṇa sarvā vāk santṛṇṇā| oṅkāra
evedam̐ sarvamoṅkāra evedam̐ sarvam

70.1-2

brahmavādino vadanti yadvasūnāṃ prātaḥsavanaṃ rudrāṇāṃ mādhyandinaṃ
savanamādityānāṃ ca viśveṣāṃ ca devānāṃ tṛtīyasavanam

70.2

evaṃ sati pariśiṣṭalokābhāvāt—
ka tarhi yajamānasya loka iti sa yastaṃ na vidyāt
kathaṃ kuryāt| atha vidvān kuryāt

70.3-2

purā prātaranuvākyasyopākaraṇājjaghanena gārhapatyasyodaṅmukha upaviśya sa vāsavaṃ sāmābhigāyati

70.4

lo 3 kadvāramapāvā 3 eūṃ 33 paśyema tvā vayam̐rā 33333 hu 3 mrśrā 33 jyā 3 yo 3 śrā 32111 iti

70.5

atha juhoti namo'gnaye pṛthivīkṣite lokakṣite lokaṃ me
yajamānāya vindaiṣa vai yajamānasya loka etāsmin

70.6

atra yajamānaḥ parastādāyuṣaḥ svāhā| apajahi parighamityuktvottiṣṭhati| tasmai vasavaḥ prātaḥsavanaṃ saṃprayacchanti

70.7

purā mādhyandinasya savanasyopākaraṇāt jaghanenāgnīdhrīyasyodaṅmukha upaviśya sa raudraṃ sāmābhigāyati

70.8

lo 3 kadvāramapāvā 3 eūṃ 33 paśyema tvā vayaṃ vairā 33333 hu 3 m
śrā 33 jyā 3 yo 3 śrā 32111 iti

70.9

atha juhoti
namo vāyave'ntarikṣakṣite lokakṣite lokaṃ me yajamānāya
vindaiṣa vai yajamānasya loka etāsmin

70.10

atra yajamānaḥ
parastādāyuṣaḥ svāhā| apajahi parighamityuktvottiṣṭhati
tasmai rudrā mādhyandina savana saṃprayacchanti

70.11

āgnīdhrīyasya dakṣiṇāgneḥ paścādbhāge| samānamanyat || 7-10
purā tṛtīyasavanasyopākaraṇāt jaghanenāhavanīyasyodaṅmukha upaviśya sa āditya oṃ sa vaiśvadeva oṃ sāmābhigāyati

70.12

lo 3 kadvāramapāvā 3 rṇū 33 paśyema tvā vayam̐ svārā 33333 hu 3 m bhrā 33 jyā 3 yo 3 bhrā 32111 iti

70.13

ādityamatha vaiśvadevaṃ lo 3 kadvāramapāvā 3 rṇū 33 paśyema tvā vayam̐ sāmnā 33333 huṃ 3 bhrā 33 jyā 3 yo 3 bhrā 32111 iti

70.14

atha juhoti nama ādityebhyaśca viśvebhyaśca devebhyo divikṣidbhyo lokakṣidbhyo lokaṃ me yajamānāya vindata

70.15

eṣa vai yajamānasya loka etāsyatra yajamānaḥ parastādāyuṣaḥ svāhā'pahata-paridhamityuktvottiṣṭhati

70.16

tasmā ādityāśca viśve ca devāstṛtīyaṃ savanam̐ saṃprayacchanti
eṣa ha vai yajñasya mātrāṃ veda ya evaṃ veda ya evaṃ veda

70.16.p1

iti caturthe caturviṃśaḥ khaṇḍaḥ || 24

Linked texts (12)