Pramāṇa · Search · About · API

Different Upanishads 77

Different Upaniṣads 77

Language
Sanskrit

77.1

gāyatrī vā ida ꣱ sarvaṃ bhūtaṃ yadidaṃ kiñca vāgvai gāyatrī
vāgvā idam̐ sarvaṃ bhūtaṃ gāyati ca trāyate ca

77.2

yā vai sā gāyatrīyaṃ vāva sā yeyaṃ pṛthivyasyā m̐
hīda m̐ sarvaṃ bhūtaṃ pratiṣṭhitametāmeva nātiśīyate

77.3

yā vai sā pṛthivīyaṃ vāva sā yadidamasminpuruṣe śarīramasmin hīme prāṇāḥ pratiṣṭhitā etadeva nātiśīyante

77.4

yadvai tatpuruṣe śarīramidaṃ vāva tadyadidamasminnantaḥpuruṣe hṛdayamasmin hīme prāṇāḥ pratiṣṭhitā etadeva nātiśīyante

77.5

saiṣā catuṣpadā ṣaḍvidhā gāyatrī tadetadṛcābhyanūktam

77.6

tāvānasya mahimā tato jyāyām̐śca pūruṣaḥ| pādo'sya sarvā bhūtāni tripādasyāmṛtaṃ divīti

77.7

uktamupāsyaṃ gāyatryavacchinnaṃ brahma hṛdayākāśe upāsyamiti darśayituṃ bāhyākāśādyabhedena hṛdayākāśamāha—
yadvai tadbrahmetīdaṃ vāva tadyo'yaṃ bahirdhā puruṣādākāśo yo vai sa bahirdhā puruṣādākāśaḥ

77.8

ayaṃ vāva sa yo'yamantaḥ puruṣa ākāśo yo vai so'ntaḥ puruṣa ākāśaḥ

77.9

ayaṃ vāva sa yo'yamantarhṛdaya ākāśastadetatpūrṇamapravarti pūrṇamapravartinī śriyaṃ labhate ya evaṃ veda

Linked texts (4)