Different Upanishads 78
Different Upaniṣads 78
- Language
- Sanskrit
78.1
tasya ha vā etasya hṛdayasya pañca devasuṣayaḥ sa yo'sya prāṅ
suṣiḥ sa prāṇastaccakṣuḥ sa ādityastadetattejo'nnādyamityupāsīta tejasvyannādo bhavati ya evaṃ veda
78.2
atha yo'sya dakṣiṇaḥ suṣiḥ sa vyānastacchrotram̐ sa
candramāstadetacchrīśca yaśaścetyupāsīta śrīmān yaśasvī
bhavati ya evaṃ veda
78.3
atha yo'sya pratayaṅ suṣiḥ sopānaḥ sā vāk
so'gnistadetad brahmavarcasamannādyamityupāsīta
brahmavarcasvyannādo bhavati ya evaṃ veda
78.4
atha yo'syodaṅ suṣiḥ sa samānastanmanaḥ sa
parjanyastadetatkīrtiśca vyuṣṭiścetyupāsīta kīrtimān vyuṣṭimān bhavati ya evaṃ veda
78.5
atha yo'yordhvaḥ suṣiḥ sa udānaḥ sa vāyuḥ sa
ākāśastadetadojaśca mahaścetyupāsīta | ojasvī
mahasvān bhavati ya evaṃ veda
78.6
te vā ete pañca brahmapuruṣāḥ svargasya lokasya dvārapāḥ sa ya
etānevaṃ pañca brahmapuruṣān svargasya lokasya dvārapān
vedāsya kule vīro jāyate pratipadyate svargaṃ lokaṃ ya
etānevaṃ pañca brahmapuruṣān svargasya lokasya dvārapān veda
78.7
atha yadataḥ paro divo jyotirdīpyate viśvataḥ pṛṣṭheṣu
sarvataḥ pṛṣṭheṣvanuttameṣūttameṣu lokeṣvidaṃ vāva tadyadidamasminnantaḥpuruṣe jyotiḥ | tasyaiṣā dṛṣṭiḥ
78.8
yatraitadasmiñcharīre saṃsparśanoṣmaṇamānaṃ vijānāti tasyaiṣā
śrutiryatraitatkarṇāvapigṛhya ninadamiva nadathurivāgneriva
jvalata upaśaṛṇoti tadetad dṛṣṭaṃ ca śrutaṃ cetyupāsīta
cakṣuṣyaḥ śruto bhavati ya evaṃ veda ya evaṃ veda
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Sāmavedabrāhmaṇānyaṣṭau — Sanskrit
- Īśādidvādaśopaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Mantrapuṣpa — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭottaraśatopaniṣadaḥ — Sanskrit