[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 80 # Different Upanishads 80 Different Upaniṣads 80 - **Language:** Sanskrit ### [80.1](https://indike.org/pramana/in.veda.upanisad.mukhya.differentupanisads.80.1) atha yadavocam̐ svaḥ prapadya ityṛgvedaṃ prapadye yajurvedaṃ prapadye sāmavedaṃ puruṣo vāva yajñastasya yāni caturvim̐śativarṣāṇi tatprātaḥsavanaṃ caturvim̐śatyakṣarā gāyatrī gāyatraṃ prātaḥsavanaṃ tadasya vasavonvāyattāḥ prāṇā vāva vasava ete hīdam̐ sarvaṃ vāsayanti ### [80.2](https://indike.org/pramana/in.veda.upanisad.mukhya.differentupanisads.80.2) taṃ cedetasminvayasi kiñcidupatapetsa brūyāt prāṇā vasava idaṃ me prātaḥsavanaṃ mādhyandinam̐ savanamanusantanuteti māhaṃ prāṇānāṃ vasūnāṃ madhye yajño vilopsīyetyuddhaiva tata etyagado ha bhavati ### [80.3](https://indike.org/pramana/in.veda.upanisad.mukhya.differentupanisads.80.3) atha yāni catuścatvārim̐śadvarṣāṇi tanmādhyandinam̐ savanaṃ catuścatvārim̐śadakṣarā triṣṭubhaṃ mādhyandinam̐ savanaṃ tadasya rudrā anvāyattāḥ| prāṇā vāva rudrā ete hīdam̐ sarvam̐ rodayanti ### [80.4](https://indike.org/pramana/in.veda.upanisad.mukhya.differentupanisads.80.4) taṃ cedetasminvayasi kiñcidupatapetsa brūyāt prāṇā rudrā idaṃ me mādhyandinam̐ savanaṃ tṛtīyasavanamanusantanuteti māhaṃ prāṇānām̐ rudrāṇāṃ madhye yajño vilopsīyetyuddhaiva tata etyagado ha bhavati ### [80.5](https://indike.org/pramana/in.veda.upanisad.mukhya.differentupanisads.80.5) atha yānyaṣṭācatvārim̐śadvarṣāṇi tṛtīyasavanamaṣṭācatvārim̐śadakṣarā jagatī jāgataṃ tṛtīyasavanaṃ tadasyādityā anvāyattāḥ prāṇā vāvādityā ete hīdam̐ sarvamādadate ### [80.6](https://indike.org/pramana/in.veda.upanisad.mukhya.differentupanisads.80.6) taṃ cedetasminvayasi kiṃcidupatapetsa brūyāt prāṇā ādityā idaṃ me tṛtīyasavanamāyuranusantatanuteti māhaṃ prāṇānāmādityānāṃ madhye yajño vilopsīyetyuddhaiva tata etvāgado haiva bhavati ### [80.7](https://indike.org/pramana/in.veda.upanisad.mukhya.differentupanisads.80.7) etaddha sma vai tadvidvānāha mahidāsa aitareyaḥ sa kima etadupatapasi yo'hamanena na preṣyāmīti sa ha ṣoḍaśaṃ varṣaśatamajīvatpra ha ṣoḍaśaṃ varṣaśataṃ jīvati ya evaṃ veda ## Linked texts (7) - [Chāndogyopaniṣad](https://indike.org/pramana/in.veda.upanisad.mukhya.chandogya.3.15.7) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.94.7) — Sanskrit - [Upaniṣads](https://indike.org/pramana/in.veda.upanisad.mukhya.upanisads.90.7) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.88.7) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.85.7) — Sanskrit - [Chāndogyopaniṣatkhaṇḍārtha](https://indike.org/pramana/in.veda.upanisad.mukhya.chandogyopanisatkhandartha.42.7) — Sanskrit - [Chāndogyopaniṣad C](https://indike.org/pramana/in.veda.upanisad.mukhya.chandogyopanishadc.50.6.p1) — Rāmānuja Yatirāj, Sanskrit --- Source: [https://indike.org/pramana/in.veda.upanisad.mukhya.differentupanisads.80](https://indike.org/pramana/in.veda.upanisad.mukhya.differentupanisads.80) · Pramāṇa