[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 84 # Different Upanishads 84: atha brāhmaṇe ṣaṣṭhaḥ prapāṭhakaḥ | upaniṣadi caturtho'dhyāyaḥ Different Upaniṣads 84 - **Language:** Sanskrit ## Contents - [84.8](https://indike.org/pramana/in.veda.upanisad.mukhya.differentupanisads.84.8) — 1 part ### atha brāhmaṇe ṣaṣṭhaḥ prapāṭhakaḥ | upaniṣadi caturtho'dhyāyaḥ ### [84.1](https://indike.org/pramana/in.veda.upanisad.mukhya.differentupanisads.84.1) oṃ jānaśrutirhaṃ pautrāyaṇaḥ śraddhādeyo bahudāyī bahupākya āsa | sa ha sarvaṃta śrāvasathān māpayāñcakre sarvaṃta eva me'tsyantīti ### [84.2](https://indike.org/pramana/in.veda.upanisad.mukhya.differentupanisads.84.2) atha ha haṃsā sā niśāyāmatipetuḥ | tadvaiva haṃso haṃsamabhyuvāda ho ho'yi bhallākṣa bhallākṣa jānaśruteḥ pautrāyaṇasya samaṃ divā jyotirātartaṃ tanmā prasāṅkṣīstvā mā pradhākṣīriti ### [84.3](https://indike.org/pramana/in.veda.upanisad.mukhya.differentupanisads.84.3) tamu ha paraḥ pratyuvāca kamvara enametatsantam̐ sayugvānamiva raikkamātyeti yo nu katham̐ sayugvā raika iti ### [84.4](https://indike.org/pramana/in.veda.upanisad.mukhya.differentupanisads.84.4) iti pṛṣṭaḥ purogāmī haṃsaḥ saddṛṣṭāntaṃ sayugvānaṃ tamāha— yathā kṛtāya vijitāyā dhareyāḥ saṃyantyevamenam̐ sarvaṃ tadabhisameti yatkiñca prajāḥ sādhu kurvanti yastadveda yatsa veda sa mayaitadukta iti ### [84.5](https://indike.org/pramana/in.veda.upanisad.mukhya.differentupanisads.84.5) tadu ha jānuśrutiḥ pautrāyaṇaḥ upaśuśrāva| sa ha saṃjihāna eva kṣattāramuvācāṅgāre ha sayugvānamiva raika māttheti yo nu katham̐ sayugvā raika iti ### [84.6](https://indike.org/pramana/in.veda.upanisad.mukhya.differentupanisads.84.6) yathā kṛtāya vijitāyā-dhareyāḥ saṃyantyevamenam̐ sarvaṃ tadabhisameti yatkiñca prajāḥ sādhu kurvanti yastadveda yatsa veda sa mayaitadukta iti ### [84.7](https://indike.org/pramana/in.veda.upanisad.mukhya.differentupanisads.84.7) sa ha kṣattānviṣya nāvidamiti pratyeyāya| tam̐ hovāca yatrāre brāhmaṇasyānveṣaṇā tadenamaccheṃti ### [84.8](https://indike.org/pramana/in.veda.upanisad.mukhya.differentupanisads.84.8) evamuktaḥ— so'dhyastācchakaṭasya pāmānaṃ kapamāṇamupopaviveśa| tam̐ hābhyuvāda tvaṃ nu bhagavaḥ sayugvā raikka ityaham̐ harā 3 iti ha pratijajñe| sa ha kṣattā'vidamiti pratyeyāya ### [84.8.p1](https://indike.org/pramana/in.veda.upanisad.mukhya.differentupanisads.84.8.p1) iti ṣaṣṭhe prathamaḥ khaṇḍaḥ || 1 ## Linked texts (6) - [Sāmavedabrāhmaṇānyaṣṭau](https://indike.org/pramana/in.veda.brahmana.samavedabrahmananyastau.300.3) — Sanskrit - [Upaniṣads](https://indike.org/pramana/in.veda.upanisad.mukhya.upanisads.95.5) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.93.3) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.99.2) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.90.7) — Sanskrit - [Chāndogyadīpikā](https://indike.org/pramana/in.veda.upanisad.mukhya.chandogyadipika.8.p14) — Sanskrit --- Source: [https://indike.org/pramana/in.veda.upanisad.mukhya.differentupanisads.84](https://indike.org/pramana/in.veda.upanisad.mukhya.differentupanisads.84) · Pramāṇa