Different Upanishads 86

Different Upaniṣads 86

Language: Sanskrit

86.1

vāyurvāva saṃvargo yadā vā agnirudvāyati vāyumevāpyeti | yadā sūryo'stameti vāyumevāpyeti | yadā candro'stameti vāyumevāpyeti

86.2

yadāpa ucchuṣyanti vāyumevāpiyanti | vāyurhyevaitān sarvān saṃvṛṅkta ityadhidaivatam

86.3

athādhyātmam | prāṇo vāva saṃvargaḥ | sa yadā svapiti prāṇameva vāgapyeti | prāṇaṃ cakṣuḥ prāṇam̐ śrotraṃ prāṇaṃ manaḥ | prāṇo hyevaitān sarvānsaṃvṛṅkta iti

86.4

tau vā etau dvau saṃvargoṃ vāyureva deveṣu prāṇaḥ prāṇeṣu

86.5

atha ha śaunakaṃ ca kāpeyamabhipratāriṇaṃ ca kākṣaseni pari-viṣyamāṇau brahmacārī bibhikṣe tasmā u ha na dadatuḥ

86.6

sa hovāca mahātmanaścaturo deva ekaḥ kaḥ sa jagāra bhuvanasya
gopāstaṃ kāpeya nābhipaśyati martyā abhipratārin bahudhā
vasantaṃ yasmai vā etadannaṃ tasmā etanna dattāmiti

tadu ha śaunakaḥ kāpeyaḥ pratimanvānaḥ pratyeyāyātmā devānāṃ
janitā prajānām̐, hiraṇyadaṃṣṭro babhaso'nasūrirmahāntamasya
mahimānamāhuranadyamāno yadannamattīti vai vayaṃ brahmacārinedamupāsmahe dattāsmai bhikṣāmiti

86.8

tasmā u ha daduste vā ete pañcānye pañcānye daśa santastatkṛtaṃ tasmātsarvāsu dikṣvannameva daśakṛta ॅ, saiṣā virāḍ-nādī tayedaṃ ॅ, sarvaṃ dṛṣṭaṃ ॅ, sarvamasyedaṃ dṛṣṭaṃ bhavatyannādo bhavati ya evaṃ veda ya evaṃ veda