Different Upanishads 88
Different Upaniṣads 88
- Language
- Sanskrit
Contents
- 88.4 — 2 parts
88.1
atha hainamṛṣabho'bhyuvāda satyakāma 3 iti| bhagava iti ha pratiśuśrāva| prāptāḥ somya sahasra m̐ smaḥ prāpaya na ācāryakulam
88.2
kiṃ cāhaṃ—
brahmaṇaśca te pādaṃ bravāṇīti bravītu me bhagavāniti tasmai
hovāca prācī dikkalā pratīcī dikkalā dakṣiṇā dikkalodīcī dikkalaiva vai somya catuṣkalaḥ pādo brahmaṇaḥ prakāśavānnāma
88.3
sa ya etamevaṃ vidvām̐ścatuṣkalaṃ pādaṃ brahmaṇaḥ prakāśavānityupāste prakāśavānasmim̐lloke bhavati prakāśavato ha lokāñjayati ya etamevaṃ vidvām̐ścatuṣkalaṃ pādaṃ brahmaṇaḥ prakāśavānityupāste
88.1-2
agniṣṭe pādaṃ vakteti| sa ha śvobhūte gā abhiprasthāpayāñcakāra| tā yatrābhi sāyaṃ babhūvustatrātrimupasamādhāya gā uparudhya samidhamādhāya paścādagneḥ prāṅmupaviveśa
88.2-2
tamagnirabhyuvāda satyakāma 3 iti| bhagava iti ha pratiśuśrāva
88.3-2
brahmaṇaḥ somya te pādaṃ bravāṇīti| bravītu me bhagavāniti| tasmai hovāca pṛthivī kalāntarikṣaṃ kalā dyauḥ kalā samudraḥ kalaiva vai somya catuṣkalaḥ pādo brahmaṇo'nantavānnāma
88.4
sa ya etamevaṃ vidvām̐ścatuṣkalaṃ pādaṃ brahmaṇo'nantavānityupāste'nantavānasmim̐lloke
bhavati | anantavato ha lokāñjayati | ya etamevaṃ
vidvām̐ścatuṣkalaṃ pādaṃ brahmaṇo'nantavānityupāste
88.4.p1
te tava satyakāmasya dvitīyapādamabriṣṭe vaktetyuktvā ṛṣabha upararāma | tataḥ satyakāmo ha śvobhūte paredyurnityaṃ karma kṛtvā ācāryakulaṃ
prati gā abhiprasthāpayāñcakāra | tāḥ prasthitāḥ gāḥ yatra yasmin deśe
abhisāyaṃ babhūvuḥ niśāyāmabhisambabhūvuḥ ekatrābhisukhyasaṃbhūtāḥ | tatra
tasmin deśe gā uparudhyāvarodhaṃ kṛtvā agnimupasamādhāya samiddhosaṃ kṛtvā
agniḥ svagocarāṃ vidyāmupadeṣṭumabhyuvāda | satyakāmetyādi samānaṃ
subodham || 1-4
88.4.p2
iti ṣaṣṭhe ṣaṣṭhaḥ khaṇḍaḥ || 6
Linked texts (1)
- Aṣṭāviṃśatyupaniṣad — Sanskrit