Different Upanishads 94
Different Upaniṣads 94
- Language
- Sanskrit
94.1
katham ?
ya e ṣo'kṣiṇi puruṣo dṛśyata eṣa ātmeti hovāca etadamṛtamabhayametad brahmeti | tadyadyasmin sarpirvodakaṃ vā siñcanti vartmanī evaṃ gacchati
94.2
etam̐ saṃyadvāma ityācakṣata etam̐ hi sarvāṇi vāmānyabhisaṃyanti
sarvāṇyenaṃ vāmānyabhisaṃyanti ya evaṃ veda
94.3
eṣa u eva vāmanīreṣa hi sarvāṇi vāmāni nayati
sarvāṇi vāmāni nayati ya evaṃ veda
94.4
eṣa u eva bhāmanīreṣa hi sarveṣu lokeṣu bhāti
sarveṣu lokeṣu bhāti ya evaṃ veda
94.5
atha yadu caivāsmiñchavyaṃ kurvanti yadi ca nārciṣamevābhisaṃbhavantyarciṣo'harahna āpūryamāṇapakṣamāpūryamāṇapakṣādyān ṣaḍdaṅeti māsāṃstānmāsebhyaḥ saṃvatsaraṃ saṃvatsarādādityamādityāccandramasaṃ candramaso
vidyutaṃ tatpuruṣo'mānavaḥ sa enānbrahma gamayatyeva
devapatho brahmapatha etena pratipadyamānā imaṃ mānavaāvartaṃ nāvartante nāvartante