Different Upanishads 96
Different Upaniṣads 96
- Language
- Sanskrit
96.1
prajāpatirlokānabhyatapat| teṣāṃ tapyamānānām̐ rasān prāvṛhadbhinaṃ pṛthivyā vāyumantarikṣādādityaṃ divaḥ
96.2
sa etāstisro devatā abhyatapat| tāsāṃ tapyamānānām̐ rasān prāvṛhadagnerṛco vāyoryajūm̐ṣi sāmānyādityāt
96.3
sa etāṃ trayīṃ vidyāmabhyatapat| tasyāstapyamānāyā rasān prāvṛhad bhūrityṛgbhyo bhuvariti yajurbhyaḥ svariti sāmabhyaḥ
96.4
tadyadyūkto riṣyed bhūḥ svāheti gārhapatye juhuyādyacāmeva tadrasenarcāṃ vīryeṇarcāṃ yajñasya viriṣṭam̐ sandadhāti
96.4-2
rasena sandadhātīti yattadṛcāmeva ca vīryeṇaujasā sandadhāti pratisandhatte
96.5
atha yadi yajuṣṭo riṣyed bhuvaḥ svāheti dakṣiṇāgnau juhuyādyajuṣāmeva tadrasena yajuṣāṃ vīryeṇa yajuṣāṃ yajñasya viriṣṭam̐ sandadhāti
96.6
atha yadi sāmato riṣyet svaḥ svāhetyāhavanīye juhuyātsāmnāmeva tadrasena sāmnāṃ vīryeṇa sāmnāṃ yajñasya viriṣṭam̐ saṃdadhāti
96.7
tadyathā lavaṇena suvarṇam̐, saṃdadhyātsuvarṇena rajatam̐, rajatena trapu trapuṇā sīsam̐, sīsena lohaṃ lohena dāru dārucarmaṇā
96.8
evameṣāṃ lokānāmāsāṃ devatānāmasyāgnyā vidyāyā vīryeṇa yajñasya viriṣṭam̐ sandadhāti | bheṣajakṛto ha vā eṣa yajño yatraivaṃvid brahmā bhavati
96.10
yajñaṃ yajamānaṃ sarvām̐ ṝtvijo'bhirakṣati | tasmādevaṃvidameva
brahmāṇaṃ kurvīta nānevaṃvidaṃ nānevaṃvidam
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Upaniṣads — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Mantrapuṣpa — Sanskrit
- Chāndogyopaniṣatkhaṇḍārtha — Sanskrit
- Sāmavedabrāhmaṇānyaṣṭau — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit