Pramāṇa · Search · About · API

Different Upanishads 97

Different Upaniṣads 97

Language
Sanskrit

Contents

97.1

oṃ yo ha vai jyeṣṭhaṃ ca śreṣṭhaṃ ca veda jyeṣṭhaśca ha vai
śreṣṭhaśca bhavati| prāṇo vāva jyeṣṭhaśca śreṣṭhaśca

97.2

yo ha vai vasiṣṭhaṃ veda vasiṣṭho ha svānāṃ bhavati
vāgvāva vasiṣṭhaḥ

97.3

yo ha vai pratiṣṭhāṃ veda prati ha tiṣṭhatyasmim̐śca
loke'muṣmiṃśca| cakṣurvāva pratiṣṭhā

97.4

yo ha vai sampadaṃ veda sam̐ hāsmai kāmāḥ padyante
daivāśca mānuṣāśca| śrotraṃ vāva sampat

97.5

yo ha vā āyatanaṃ vedāyatanam̐ ha svānāṃ
bhavati mano ha vā āyatanam

97.5-2

mano ha vai indriyopahṛtānāṃ viṣayāṇāṃ pratyayarūpāṇāmāyatanaṃ prasiddham

97.6

atha ha prāṇā aham̐ śreyasi vyūdire'ham̐ śreyānsmyaham̐ śreyānasmīti

97.7

te ha prāṇāḥ prajāpatiṃ pitarametyocuḥ bhagavan ko naḥ śreṣṭha iti
tān hovāca yasminva utkrānte śarīraṃ pāpiṣṭhataramiva dṛśyeta
sa vaḥ śreṣṭha iti

97.8

sā ha vāguccakrāma sā saṃvatsaraṃ proṣya paryetyovāca
kathamaśakatarte majjīvitumiti | yathā'kalā śravadantaḥ
prāṇantaḥ prāṇena paśyantaścakṣuṣā śṛṇvantaḥ śrotreṇa
dhyāyanto manaisavamiti praviveśa ha vāk

97.6-2

cakṣurhocakrāma | tatsaṃvatsaraṃ proṣya paryetyovāca kathamaśakatartuṃ majjīvitumiti | yathāndhā apaśyantaḥ prāṇantaḥ prāṇena vadanto vācā śṛṇvantaḥ śrotreṇa dhyāyanto manasaivamiti praviveśa ha cakṣuḥ

97.10

śrotram̐ hocakrāma | tatsaṃvatsaraṃ proṣya paryetyovāca kathamaśakatartuṃ majjīvitumiti | yathā badhirā aśṛṇvantaḥ prāṇantaḥ prāṇena vadanto vācā paśyantaḥ cakṣuṣā dhyāyanto manasaivamiti praviveśa ha śrotram

97.11

mano hocakrāma | tatsaṃvatsaraṃ proṣya paryetyovāca kathamaśakatartuṃ majjīvitumiti | yathā bālā amanasaḥ prāṇantaḥ prāṇena vadanto vācā paśyantaścakṣuṣā śṛṇvantaḥ śrotreṇaivamiti praviveśa ha manaḥ

97.12

atha ha prāṇa uccikramiṣansa yathā suhyaḥ paḍvīśaśaṅkūn saṃkhide- devamitarān prāṇān samakhidatta, hābhisametyocurbhagavannedhi tvaṃ naḥ śreṣṭho'si motkramīriti

97.12-2

bhagavannedhi bhava asmākaṃ svāmī | yasmāttvaṃ no'smākaṃ śreṣṭho'si
ato'smāt dehāttvaṃ mā utkramīrutkramaṇaṃ mā kuryā iti

97.13

atha hainaṃ vāguvāca yadahaṃ vasiṣṭho'smi tvaṃ tadvasiṣṭho'si
atha hainaṃ cakṣuruvāca yadahaṃ pratiṣṭhāsmi tvaṃ tatpratiṣṭhāsīti

97.14

atha hainaṃ śrotramuvāca yadaham̐ sampadasmi
tvaṃ tatsampadasīti | atha hainaṃ mana uvāca yadahamāyatanamasmi tvaṃ tadāyatanamasīti

97.15

atha śrutiḥ svamukhenaiva vāgādeḥ prāṇādhīnatāṃ kathayati—
na vai vāco na cakṣūṃṣi na śrotrāṇi na manāṃsītyācakṣate
prāṇā ityevācakṣate | prāṇo hyevaitāni sarvāṇi bhavati

97.15.p1

iti saptame prathamaḥ khaṇḍaḥ || 1

Linked texts (12)