[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › [Different Upanishads](https://indike.org/pramana/in.veda.upanisad.mukhya.differentupanisads) › 99 # Different Upanishads 99 Different Upaniṣads 99 - **Language:** Sanskrit ### [99.1](https://indike.org/pramana/in.veda.upanisad.mukhya.differentupanisads.99.1) śvetaketurhāruṇeyaḥ pañcālānāṃ samitimeyāya| ta ha pravāhaṇo jaibaliruvāca ca kumārānu tvāśiṣat pitetyanu hi bhagava iti ### [99.1-2](https://indike.org/pramana/in.veda.upanisad.mukhya.differentupanisads.99.1-2) śvetaketurnāmato ha aruṇasyāpatyamāruṇiḥ, tasyāpatyamāruṇeyaḥ pañcā lānāṃ janapadānāṃ samitiṃ sabhāmeyāya jagāma | tamāgataṃ śvetaketuṃ ha pravāhaṇo nāmato jībalasyāpatyaṃ jaivaliruvāca | kim ? he kumāra tvā tvāṃ pitā anvaśiṣat anuśiṣṭavānityevamuktaḥ kumāra āha—anu hīti anuśiṣṭo'smi he bhagava iti ### [99.2](https://indike.org/pramana/in.veda.upanisad.mukhya.differentupanisads.99.2) vettha yadito'dhi prajāḥ prayantīti | na bhagava iti | vettha yathā punarāvartanta 3 iti | na bhagava iti | vettha pathordevayānasya pitṛyāṇasya ca vyāvartanā 3 iti | na bhagava iti ### [99.3](https://indike.org/pramana/in.veda.upanisad.mukhya.differentupanisads.99.3) caturthaṃ pṛcchati— vettha yathāsau loko na saṃpūryata 3 iti | na bhagava iti | vettha yathā pañcamyāmāhutāvāpaḥ puruṣavacaso bhavantīti | naiva bhagava iti ### [99.4](https://indike.org/pramana/in.veda.upanisad.mukhya.differentupanisads.99.4) rājā''ha— athānu kimanuśiṣṭo'vocathā yo hyetāni na vidyāt kathaṃ so'nuśiṣṭo bruvīteti | sa hāyastaḥ piturardhameyāya | tam̐ hovācānanuśiṣya vāva kila mā bhagavānabravīdanu tvāśiṣamiti ### [99.5](https://indike.org/pramana/in.veda.upanisad.mukhya.differentupanisads.99.5) pañca mā rājanyabandhuḥ praśnānaprākṣīt | teṣāṃ naikaścanāśakaṃ vivaktumiti | sa hovāca yathā mā tvaṃ tadaitānavado yathāhameṣāṃ naikaścana veda yadyahamimānavediṣyaṃ kathaṃ te nāvakṣyamiti ### [99.6](https://indike.org/pramana/in.veda.upanisad.mukhya.differentupanisads.99.6) sa ha gautamo rājño'dhameyāya | tasmai ha prāśāyāhāṃ cakāra | sa ha prātaḥ sabhāga udeyāya | tam̐ hovāca mānuṣyasya bhagavan gautama vittasya varaṃ vṛṇīthā iti | sa hovāca tavaiva rājan mānuṣaṃ vittaṃ yāmeva kumārasyānte vācamabhāṣathāstāmeva me brūhīti ### [99.6-2](https://indike.org/pramana/in.veda.upanisad.mukhya.differentupanisads.99.6-2) tamāgataṃ gautamaṃ rājā ha uvāca | kiñca—he gautama bhagavan pūjāvaṃstvaṃ mānuṣasya manuṣyasambandhino vittasya varaṃ varaṇīyaṃ kāmaṃ vṛṇīthāḥ prārtha- yethāḥ | sa evamukto gautama uvāca | kim ? rājan mānuṣaṃ vittaṃ tavaiva tiṣṭhatu, kintu yāmeva vācaṃ praśnalakṣṇāṃ mama kumārasya tvamabhāṣathāḥ tāmeva vācaṃ me mahyaṃ brūhi upadiśa ### [99.7](https://indike.org/pramana/in.veda.upanisad.mukhya.differentupanisads.99.7) sa ha kṛcchrī babhūva | taṃ ha ciraṃ vasetyājñāpayāñcakāra | taṃ hovāca yathā mā tvaṃ gautamāvado yatheyaṃ na prāk tvattaḥ purā vidyā brāhmaṇān gacchati tasmādu sarveṣu lokeṣu kṣatrasyaiva praśāsanamabhūditi tasmai hovāca ## Linked texts (12) - [Chāndogyopaniṣad](https://indike.org/pramana/in.veda.upanisad.mukhya.chandogya.5.3.1) — Sanskrit - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.1.34_937) — Sanskrit - [Chāndogyadīpikā](https://indike.org/pramana/in.veda.upanisad.mukhya.chandogyadipika.14.p30) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.119.1) — Sanskrit - [Sāmavedabrāhmaṇānyaṣṭau](https://indike.org/pramana/in.veda.brahmana.samavedabrahmananyastau.310.1) — Sanskrit - [Upaniṣads](https://indike.org/pramana/in.veda.upanisad.mukhya.upanisads.115.1) — Sanskrit - [Aṣṭāviṃśatyupaniṣad](https://indike.org/pramana/in.veda.upanisad.astavimsatyupanisad.114.1) — Sanskrit - [Īśādyupaniṣadaḥ](https://indike.org/pramana/in.veda.upanisad.mukhya.isadyupanisadah.106.1) — Sanskrit - [Chāndogyopaniṣatkhaṇḍārtha](https://indike.org/pramana/in.veda.upanisad.mukhya.chandogyopanisatkhandartha.64.1) — Sanskrit - [Chāndogyopaniṣad C](https://indike.org/pramana/in.veda.upanisad.mukhya.chandogyopanishadc.73.1) — Rāmānuja Yatirāj, Sanskrit - [Mantrapuṣpa](https://indike.org/pramana/in.veda.svadhyaya.santi.mantrapuspa.126.7) — Sanskrit - [Īśādidvādaśopaniṣadaḥ](https://indike.org/pramana/in.veda.upanisad.mukhya.isadidvadasopanisadah.93.4) — Sanskrit --- Source: [https://indike.org/pramana/in.veda.upanisad.mukhya.differentupanisads.99](https://indike.org/pramana/in.veda.upanisad.mukhya.differentupanisads.99) · Pramāṇa